Dünýä boýunça iň köp ilatly ülkeleriň biri hasaplanýan Hindistan barada nämeler bilýärsiňiz? Magtymguly atamyzyň şygyrlarynda syýahat etmegi höwes eden mekany Hindistan şeýle-de hindi halkynyň özboluşlylyklary syýahat edeniňizde gabat geljek täsinlikler barada maglumatlary bir ýere jemledik.
- Ilkinji nobatda, Hindistan döwleti iň köp dilli millet hökmünde tanalýar. Sebäbi ol ýerde diñe bir hindi dilinde däl ,eýsem 400 dilden gowrak gepleşigi bar.
- Hindistanda tiz tiz el tutuşyp ýöreýän erkekleri görmegiňiz mümkin. Bu hiç hili ýamanlygyň alamaty däl. Ol dostlugy şeýle beýan edýärler.
- Köp ynsanlaryň pikiriçe Hindistanda diňe hindiler ýaşaýar diýip hasap edýärler. Bu nädogry. Ol ýerde musulmanlar, hristianlar we birnäçe din wekilleri hem ýaşaýar.
- Hindistan ilatynyň üçden bir bölegi wegetirýanlardyr. Olar hat-da ýumurtga hem iýmeýärler. Şol sebäpden olar üçin niýetlenen ýörite restoranlar bar.
- Hindistanda sygyrlar keramatly haýwanlar hasaplanýarlar. Şonuň üçin olar şäher köçelerinde hem arkaýyn gezip bilýärler.
- Kämahallar hindi ilaty “hawa” sözüni başyny ýaýkamak arkaly görkezýärler. Emma muny daşary ýurtlar “ýok” manysynda düşünýärler.
- Hindistanyň köçesinde maşynlar, motosikiller, tigirler, skuterlar, sygyrlar bir ugurda aralaşyp ýöreýärler. Bu hereket daşary ýurtlar üçin geň hadysa bolsalarda olaryň özüniň arasynda ylalaşyk bolýar.
- Eger siz Hindistanda awtobusa münseňiz taýyn boluň, awtobus sizi alan bekedine gaýta getirmezligi mümkin. Hat-da awtobus orta ýolda durup galmagy ýada böküp düşmegiň hem mümkin. Ýa-da awtobus bekedine 100 metr galanda düşürmegi hem mümkin.
- Hindistanda iň meşhur ulaglar bu motosikller we mopidler. Olar bahasy elýeterli bolup daşary ýurtly ilatlar hem satyn alyp bilýärler. Olary sürmek üçin sürüjilik şahadatnamasy gerek bolmaýar.
- Hindistanda aýlanmak üçin iň elýeterli transport bu poýezdir.
- Hindistanyň ilaty ajy tagamlary iýmegi gowy görýärler. Sebäbi ýaşlygyndan ajy tagamlary iýýärler.
- Hindistanlylar daşary ýurtlulary gowy görýärler. Olar daşary ýurtly adamlar bilen surata düşmäge ymtylýarlar.
- Hindistanyň köçeleri hiç haçan arassa bolmaýar. Olar arassaçylyga onçakly ähmiýet bermeýärler.
- Hindistanda 400-den gowrak etnik toparlar ýaşaýarlar.
- Hindistanda ýylyna 1000-den gowrak film çykarylýar.
- Hindiler tans oýnamagy we aýdym aýtmagy gowy görýärler. Şol sebäpden olaryň kinolary aýdymsyz we tanssyz bolmaýar.
- Hindi senenamasynda 6 möwsüm bar. Olar: bahar, ýaz, ýagyş möwsümi, güýz, gyş, ir bahar.
- Mumbaý şäheri iň baý we iň garyp şäher hasaplanýar. Hiç bir ýurtda bular ýaly baýlary we köçede ýatan garyplary görmersiňiz.
- Hindistan iňlis dilinde gürlemek boýunça Amerikadan soň ikinji ýerde durýar.
- Hindistanda 300000 sany metjit hasaba alnan.
- Dünýäniň 70% gök otlary Hindistandan eksport edilýär.
- Dünýäniň 11% altynlaryna hindi zenanlary eýelik edýärler.
- Hindistan XVII asyrda Britaniýanyň gozgalaňyndan öň dünýäniň iň baý ýurdy hasaplanýardy.
Şeýda DÖWLETOWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler