«Oguz hanyň zehinli nesilleri» integrirlenen olimpiadanyň jemleýji tapgyry

Mälim bolşy ýaly, ýurdumyzda tebigy we takyk ylymlara degişli dersleri, şeýle-de daşary ýurt dillerini okatmagy kämilleşdirmegiň Konsepsiýalaryny durmuşa ornaşdyrmak, ýaş nesilleri ylmy we taslama işlerini ýerine ýetirmeklige höweslendirmek boýunça giň gerimli işler amala aşyrylýar. Bu babatda Türkmenistanyň Oguz han adyndaky Inžener-tehnologiýalar uniwersitetinde «Oguz hanyň zehinli nesilleri» atly altyn gaznany döretmek maksady bilen alnyp barylýan işler bellenilmäge mynasypdyr.

Ýurdumyzyň orta mekdepleriniň okuwçylarynyň bilimlerini artdyrmak, olary ylmy we taslama işlerine çekmek, şeýle hem innowasiýalary döretmeklerine we dünýägaraýyşlaryny giňeltmeklerine ýardam bermek maksady bilen, 9-10-11-nji synp mekdep okuwçylarynyň arasynda Matematika, Fizika, Himiýa, Biologiýa we Iňlis dili dersleri boýunça “Oguz hanyň zehinli nesilleri” ady bilen integrirlenen olimpiada geçirildi. Olimpiada etrap, welaýat we Aşgabat şäheri hem-de döwlet derejesinde 3 tapgyrda bolup, onuň jemleýji tapgyry uniwersitetde 10 günlük “Tomusky dynç alyş okuwy” görnüşinde geçirildi. Integrirlenen olimpiadanyň jemleýji tapgyryna ýurdumyz boýunça jemi 120 mekdep okuwçysy gatnaşdy. Tomusky dynç alyş okuwynyň çäklerinde mekdep okuwçylary gündelik tertibe laýyklykda uniwersitetiň tejribeli mugallymlarynyň alyp barmagynda dürli dersler boýunça häzirkizaman ylym-biliminiň derwaýys ugurlaryna bagyşlanan goşmaça okuwlara gatnaşdylar.

Mundan başga-da uniwersitetiň ylmy-önümçilik merkezlerinde alnyp barylýan ylmy-barlag we taslama işleriniň netijeleri bilen tanyşdylar. Talyp ýaşlaryň we mekdep okuwçylaryň bilelikde geçiriren aýdym-sazly dabaraly çäreleri, döredijilik agşamlary mekdep okuwçylarynda aýratyn täsir galdyrdy. Dürli daşary ýurt dillerinde ýerine ýetirilen aýdymlar mekdep okuwçylarynyň dil bilimi boýunça başarnyklarynyň ýokarydygyny ýüze çykardy. Paýtagtymyzyň gözel ýerlerine, taryhy ýadygärliklere gurnalan gezelençler mekdep okuwçylarynda ýatdan çykmajak duýgulary döretdi. Tomusky dynç alyş okuwynyň soňky günlerinde integrirlenen olimpiadanyň jemleýji tapgyry geçirildi.

Jemleýji tapgyra gatnaşan okuwçylar Fizika, Matematika, Himiýa, Biologiýa we Iňlis dili dersleri boýunça ýumuşlary ýerine ýetirdiler. Olimpiadanyň netijeleri boýunça 9-10-11-nji synp okuwçylarynyň arasyndan iň ökdeleri öňe saýlanyp, degişlilikde 1-2-3-nji orunlara we höweslendiriji baýraklara mynasyp boldular. Ýeňiji bolan mekdep okuwçylaryna uniwersitet tarapyndan hormat hatlary, medallar we ýadygärlik sowgatlar gowşuryldy. Mekdep okuwçylary integrirlenen olimpiadanyň özlerinde ýatdan çykmajak pursatlary döredendigini, dürli welaýatlardan gelen deň-duşlary bilen ýakyndan dostlaşandyklaryny, dünýägaraýyşlarynyň has-da giňändiklerini buýsanç bilen bellediler. Ýurdumyzyň taryhynda ilkinji gezek geçirilýän köpçülikleýin görnüşdäki, tebigy we takyk ugurly dersleri we iňlis dilini özünde jemleýän şeýle häsiýetdäki olimpiada gatnaşyjylaryň isleginiň we hyjuwynyň örän ýokary bolmagy onuň jemleýji tapgyrynyň gyzgalaňly we çekeleşikli ýagdaýda geçendigini, zehinlileriň arasyndan has ökdelerini ýüze çykarmaga mümkinçilik döredendigini görkezdi.

Türkmenistanyň Oguz han adyndaky Inžener-tehnologiýalar uniwersiteti tarapyndan gurnalan “Oguz hanyň zehinli nesilleri” atly integrirlenen olimpiadasynyň jemleýji tapgyrynda üstünlikli çykyş edendikleri üçin aşakda ady görkezilen mekdep okuwçylary sylaglanýar:

IX synp

№	Familiýasy Ady Atasynyň ady	Welaýaty	Etraby	Mekdebi	Orny
1	Gumanaýew Garly Magtymgulyýewiç	Aşgabat şäheri		Aşgabat şäherindäki S.Türkmenbaşy adyndaky ýöriteleşdirlen umumybilim berýän mekdep-internady	I
2	Döwletow Diýar Allaberdiýewiç	Aşgabat şäheri		Aşgabat şäherindäki S.Türkmenbaşy adyndaky ýöriteleşdirlen umumybilim berýän mekdep-internady	II
3	Hudaýberenow Hudaýguly Güýçgeldi ogly	Aşgabat şäheri		Aşgabat şäherindäki S.Türkmenbaşy adyndaky ýöriteleşdirlen umumybilim berýän mekdep-internady	III
4	Niýazmetowa Bahar Ruslan gyzy	Daşoguz	Daşoguz	26-njy orta mekdep	III
5	Batyrowa Aýlar Batyrowna	Ahal	Sarahs	15-nji orta mekdep	III
6	Kakajanow Gurbangeldi Kakajan ogly	Lebap	Kerki	37-nji orta mekdep	III

X (6 ýaş) synp

№	Familiýasy Ady Atasynyň ady	Welaýaty	Etraby	Mekdebi	Orny
1	Annageldiýew Ilýas Annageldi ogly	Mary	Sakarçäge	43-nji orta mekdep	I
2	Atajanowa Aýgül Röwşenowna	Aşgabat		Aşgabat şäherindäki S.Türkmenbaşy adyndaky ýöriteleşdirlen umumybilim berýän mekdep-internady	II
3	Söýünow Welnazar Akmyrat ogly	Lebap	Türkmenabat	41-nji orta mekdep	III
4	Azadow Gaýrat Azadowiç	Ahal	Ak bugdaý	46-njy orta mekdep	III
5	Täşliýew Annamämmet Aşyrmmämedowiç	Balkan	Balkanabat şäher	22-nji orta mekdep	III
6	Mansurowa Şahla Mansurowna	Daşoguz	Daşoguz	26-njy orta mekdep	III
7	Işanow Didar Maksadowiç	Daşoguz	Daşoguz	26-njy orta mekdep	III
8	Koçkarow Süleýman Alişerowiç	Daşoguz	Daşoguz	24-nji orta mekdep	III

X (7 ýaş) synp

№	Familiýasy Ady Atasynyň ady	Welaýaty	Etraby	Mekdebi	Orny
1	Mätkulow Şatlyk Serdarowiç	Lebap	Türkmenabat	28-nji orta mekdep	I
2	Kakabaýew Orazmuhammet Begenjowiç	Mary	Mary şäher	1-nji orta mekdep	II
3	Taýlyýew Myrat Çörliýewiç	Daşoguz	Daşoguz	7-nji orta mekdep	II
4	Kadyrow Ahat Serdarowiç	Mary	Mary şäher	14-nji orta mekdep	III
5	Gündogdyýewa Mährijemal Serdarowna	Aşgabat		Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internaty	III
6	Çaryýewa Gunça Azadowna	Aşgabat	Berkararlyk	86-njy ýöriteleşdirilen orta mekdep	III
7	Wolosnikow Nikita Anatolýewiç	Ahal	Gökdepe	23-nji orta mekdep	III
8	Abdrimow Aziz Ruslanowiç	Daşoguz	Daşoguz	7-nji orta mekdep	III
9	Ezizow Begli Ezizowiç	Lebap	Türkmenabat	41-nji orta mekdep	III
10	Döwletowa Ogulgözel	Mary	Sakarçäge	32-nji orta mekdep	III

XI synp

№	Familiýasy Ady Atasynyň ady	Welaýaty	Etraby	Mekdebi	Orny
1	Jumaýew Yhlas Zeliliýewiç	Aşgabat		Aşgabat şäherindäki S.Türkmenbaşy adyndaky ýöriteleşdirlen umumybilim berýän mekdep-internady	I
2	Jumaniýazow Jasurbek Mansur ogly	Daşoguz	Daşoguz	26-njy orta mekdep	II
3	Babanazarow Resul Şirmädowiç	Aşgabat		89-njy orta mekdep	III
4	Gezerow Dawut Merdanowiç	Mary	Mary şäher	Mary şäherindäki iňlis dili we ynsançylyk ugurly dersleri çuňlaşdyryp öwredýän welaýat mekdebi	III
5	Rozyýewa Enegül Serdarowna	Lebap	Türkmenabat	28-nji orta mekdep	III
6	Mamanowa Güljahan Gurbanberdiýewna	Aşgabat	Berkararlyk	86-njy ýöriteleşdirlen orta mekdep	III
7	Gurbannazarow Ýunus Gurbannazarowiç	Aşgabat	Berkararlyk	86-njy ýöriteleşdirlen orta mekdep	III