Şu gün Halkara gatnaşyklary institutynda hereket edýän Ýaş diplomatlar mekdebiniň guramagynda “Parahatçylygyň ýaş çaparlary” atly akyl-paýhas bäsleşiginiň II möwsüminiň 4-nji oýny geçirildi.
Bäsleşik 6 menzilden ybarat bolup, oýun “Gadymy Ariý we Hindistan siwilizasiýalary — diplomatiýanyñ ruhy ahlak binýatlary” temasy boýunça alnyp baryldy. Akyl-paýhas bäsleşigine ýurdumyzyň zehinli okuwçylaryndan 16-sy gatnaşdy. Bäsleşigiň netijesinde 4 sany okuwçy bäsleşigiň indiki tapgyryna gatnaşmaga hukuk gazandy.
Bäsleşigiň indiki tapgyryna gatnaşmaga hukuk gazanan okuwçylar:
Weýselhajy Nureddinow (Balkan welaýatynyñ Balkanabat şäheriniñ 8-nji orta mekdebiniň 10-nji synp okuwçysy);
Döwletmyrat Arazow (Aşgabat şäheriniň himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň 11-nji synp okuwçysy);
Azat Amansähedow (Mary welaýatynyň Sakarçäge etrabynyñ takyk we tebigy ugurlardan ýöriteleşdirilen 43-nji orta mekdebiniñ 10-njy synp okuwçysy);
Tañryguly Geldimämmedow (Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyñ 11-nji synp okuwçysy).
Başleşigiň 3-nji menzilinde soraglar we jogaplar iňlis dilinde alnyp baryldy. Bu bolsa mekdep okuwçylaryna daşary ýurt dillerini kämilleşdirmäge ýardam berdi. Şeýle hem bäsleşigiñ başynda hindi dilinde aýdym sazlar ýerine ýetirildi.
Belläp geçsek, häzirki wagtda Ýaş diplomatlar mekdebiniň guramagynda geçirilýän “Parahatçylygyň ýaş çaparlary” atly akyl-paýhas bäsleşiginiñ esasy maksady watansöýüji ýaşlary ýetişdirmek we mekdep döwründen başlap geljekde diplomat bolmagy maksat edinen zehinli ýaşlary ýüze çykarmak bolup durýar.
Kakageldi AKMYRADOW,
Türkmenistanyñ Daşary işler ministrliginiñ
Halkara gatnaşyklary institutynyñ talyby
Surata düşüren: Taňryberdi MYRATLYÝEW
Teswirler