Türkmenistanly talyp Baýnazar Nepesow Maliýe howpsuzlygy boýunça halkara olimpiadada 1-nji orna mynasyp boldy.
Ýaňy ýakynda Russiýa Federasiýasynyň Soçi şäherinde ýurduň Ylym we ýokary bilim ministrliginiň, Maliýe monitoringi boýunça federal gullugynyň, Magaryf ministrliginiň we ýokary bilim boýunça degişli beýleki edaralaryň gurnamagynda Maliýe howpsuzlygy boýunça II halkara olimpiadasy geçirildi.
Ýaryş iki tapgyrdan ybarat bolup, ýaryşyň final tapgyry 10-14-nji oktýabr aralygynda geçdi. Ýaryşa jemi 12 döwletden, 40 müň talyp gatnaşdy. Olaryň 72-si diplomlar we hormat hatlar bilen sylaglandy.
Esasy belläp geçmeli zatlaryň biri hem, bu ýaryşa türkmen diplomatiýasynyň milli mekdebi bolan Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň 3-nji ýyl talyby Baýnazar Nepesow “Halkara gatnaşyklary” ugry boýunça 1-nji orna mynasyp boldy.
KAKAGELDI AKMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.
Teswirler