S.A.Nyýazow adyndaky Türkmen oba hojalyk uniwersitetiniň Türkmenabat Agrosenagat orta hünär okuw mekdebiniň talyplary şu günler okuwdan daşary «ak altynly» meýdanlarda tejribelik geçýärler. Olar tejribelikde pagta ýygyjy kombaýnlaryň işleýşi bilen ýakyndan tanyşýarlar. Tejribelik işine, esasan, mekdebiň ikinji ýyl talyplary çekilýär.
Häzirki wagtda dowam edýän pagta ýygymy geljekki oba hojalykçy talyplar üçin hem tejribe mekdebi bolup durýar. Talyplar halypa mugallymlarynyň ýolbaşçylygynda ýygymyň gidýän meýdanlarynda bolup, soňky ýyllarda satyn alnyp, ýurdumyza getirilen kuwwatly tehnikalaryň işleýşi bilen ýakyndan tanyşýarlar. Daýhan birleşikleriniň inženerleri we mehanizatorlary arakesme wagtynda talyplara tehnikalaryň işleýşi barada gyzykly gürrüňleri berýärler. Sapakda öwrenilýän maglumatlary iş ýüzünde tejribede özleşdirmek talyplar üçin hem diýseň peýdaly bolýar.
Teswirler