Serhoş ýagdaýda awtoulagy dolandyrmak netijesinde birnäçe ýol-ulag hadysalary döreýär we netijede adam pidalaryna getirýär. Bu ýagdaýyň öňüni almagy meýilleşdirýän Amerikanyň Birleşen Ştatlarynyň alymlary, içgili (alkogolly) awtoulag sürmegiň öňüni alýan täze tehnologiýasyny synagdan geçirdi we ýakyn wagtda, bu tehnologiýanyň ähli awtoulaglarda peýda boljakdygyny aýtdy.
Maglumatlara görä dünýäniň ýüzünde her ýyl 10 müň adam serhoş ýagdaýda awtoulag dolandyryp ýol-ulag hadysalaryna sebäp bolýar. Heläkçilige uçranlaryň 3-den 1-i bolsa aradan çykýar. Elbetde, bu ýagdaý örän gynandyryjy bolup durýar. ABŞ-ly alymlaryň pikirine görä, içgili (alkogolly) awtoulag sürmegiň öňüni alýan täze tehnologiýa jemgyýete ornaşdyrylsa onda serhoşlyk netijesinde döreýän betbagtçylykly hadysalar bolmaz.
Teswirler