Türkmenistanyň Kazandaky Baş konsuly Atadurdy Baýramow “Ak Bars” gämi gurluşyk korparasiýasynyň ýolbaşçysy Renat Mistahow bilen duşuşdy. Bu barada orient.tm habar berýär.
Duşuşygyň barşynda taraplar Türkmenistan bilen Russiýa Federasiýasynyň Tatarstan Respublikasynyň arasynda gämi abatlamak we gämi gurluşygy babatynda hyzmatdaşlygy has-da giňeltmegiň ýollary barada pikir alyşdylar. Şol sanda Türkmenbaşy şäherindäki “Balkan” gämi gurluşyk we abatlaýyş zawodynyň hünärmenlerini taýýarlamagy ara alyp maslahatlaşdylar.
Saýtda habar berilmegine görä, Baş Konsul Atadurdy Baýramow we Renat Mistahow Türkmenistanyň we Tatarstanyň gämi gurluşyk kuwwatyny öwrenmek üçin hünärmenleriň ikitaraplaýyn özara saparlary barada ylalaşyga geldiler. Atadurdy Baýramow we Renat Mistahow, Türkmenistanyň we Tatarstanyň gämi gurluşyk kuwwatyny öwrenmek üçin iki tarapdan hünärmenleriň özara saparlary barada ylalaşdylar. Şeýle alyş-çalyşlar geljekde Türkmenistanda guruljak iki sany “Ro-Ro” gämisiniň, şeýle hem deňiz konteýner gämisiniň gurluşygyna kömek eder. Özara saparlaryň netijeleri hyzmatdaşlygyň indiki ädimlerini kesgitlemek üçin hereket meýilnamasynda öz beýanyny tapar.
Nurgözel ÖWEZOWA,
Döwletmämmet Azady adyndaky
Türkmen milli dünýä dilleri institutynyň
Ýewropa dilleri we edebiýaty fakultetiniň talyby.
Teswirler