Berkarar döwletimiziň täze eýýamynyň Galkynyşy: “Türkmenistany 2022-2052-nji ýyllarda durmuş-ykdysady taýdan ösdürmegiň milli Maksatnamasyna laýyklykda ýyrdumyzyň ykdysadyýetini ösdürmek hususanda, sanly ulgamy ösdürmek boýunça möhüm işler durmuşa geçirilýär. Türkmenistanyň döwlet syýasatynda ykdysadyýeti sanly ulgama geçirmäge uly ähmiyet berilyär. Şu maksat bilen kompýuter ulgamy we häzirki zaman aragatnaşyk serişdeleri kämilleşdirilýär, elektron resminama dolanyşygy ornaşdyrylýar. Munuň özi biziň ykdysadyýetimizi has-da berkidýär.
Milli Lidermiziň ylym, bilim ulgamynyň öňünde goýan wezipeleriniň çözülmegi täzeçe pikirlenmegi başarýan hünärmenleri taýýarlamak işinde we şonuň netijesinde, milli ykdysadyýetimiziň ähli pudaklaryny döwrebaplaşdyrmakda, berkarar döwletimiziň täze eýýamynyň Galkynyşy döwründe ýurdumyzyň ösüşiň täze belentliklerine tarap öňe gitmeginde nobatdaky möhüm ädimdir. Häzirki döwürde ýurdumyzda ylma güýçli döwlet goldawy berilýär. Ylmyň ileri tutulýan ugurlary boýunça barlaglary geçirmek, döwrebap tehnologiýalaryň esasynda täze önümleri döretmek, ylmyň ykdysadyýet bilen aragatnaşygyny pugtalandyrmak ugrunda möhüm çözgütler kabul edilýär.
2019 – 2025-nji ýyllarda Türkmenistanda ykdysadyýetiň ähli pudaklaryny we sebitlerini sanly ykdysadyýete geçirmek wezipesi bellenilip, bu işler “Türkmenistanda 2019 – 2025-nji ýyllarda sanly ykdysadyýeti ösdürmegiň Konsepsiýasyna” laýyklykda amala aşyrylyar. Okuw ýaşy dolan körpeleriň ilkinji okuwa gadam basan günleri Türkmenistanyň Prezidentiniň tarapyndan kompýuter sowgatlarynyň berilmegi, orta we ýokary okuw mekdeplerinde kompýuter bilen baglanyşykly sapaklaryň yzygiderli geçirilmegi ýurdumyzy sanly ulgama geçirmegiň iň ilkinji basgançaklarynyň biridir. Ýurdumyzyň şeýle-de daşary döwletleriň abraýly ýokary okuw jaýlarynyň arasynda sanly ulgamyň mümkinçiliklerinden peýdalanyp, wideo aragatnaşyk arkaly onlaýn görnüşinde yzygiderli geçirilýän ylmy okuw sapaklary hem munuň aýdyň subutnamasydyr.
.
Aýşa ABDYÝEWA,
Magtymguly adyndaky TDU-nyň himiýa fakultetiniň 2-nji ýyl talyby.
Teswirler