Aprel aýynyň 20-26-sy aralygynda Russiýa Federasiýasynyň Moskwa döwlet uniwersitetiniň gurnamagynda 55-nji Halkara Mendeleýew himiýa olimpiadasy, Halkara ynsanperwer ylymlary we ösüş uniwersitetinde, Türkmenistanyň Bilim ministrliginiň ýardam bermeginde sanly ulgam arkaly onlaýn görnüşinde geçirildi. Bu bäsleşige jemi 28 döwletden (Türkmenistan, Russiýa Federasiýasy, Belarus, Ukraina, Bolgariýa, Wengriýa, Turkiýe, Gazagystan, Azerbaýjan, Saud Arabystan, Latwiýa, Litwa, Estoniýa, Ermenistan, Täjigistan, Özbegistan, Ysraýyl, Hytaý, Awstriýa, Mongoliýa, Gruziýa, Makedoniýa, Ruminiýa, Gyrgyzystan, Serbiýa, Siriýa, Slowakiýa, Horwatiýa) 145 sany zehinli okuwçylar gatnaşdylar.
Halkara Mendeleýew himiýa olimpiadasy nazary bilimler boýunça 2 tapgyrda geçirildi. Bu abraýly Halkara bäsleşigine ýurdumyzyň zehinli mekdep okuwçylaryndan saýlanan topar gatnaşdy.
Bäsleşigiň 2 tapgyrynyň netijeleri boýunça, Aşgabat şäheriniň himiýa, biologiýa we iňlis dili derslerini çuňlaşdyryp öwredýän 86-njy ýöriteleşdirilen orta mekdebiniň 10-njy synp okuwçysy Dawut Muhammetgulyýew altyn medala, Aşgabat şäherindäki Saparmyrat Türkmenbaşy adyndaky ýörileşdirilen umumybilim berýän mekdep-internatynyň 10-njy synp okuwçysy Gözel Döwranowa, şol mekdebiň 11-nji synp okuwçysy Berdigylyç Rejepbaýew, ýene-de şol mekdebiň 11-nji synp okuwçysy Ýusup Döwletmyradow kümüş medallary gazanmagy başardylar. Nazar Mämmedowyň ýolbaşçylygynda bäsleşige gatnaşan ýygyndy toparynyň 4 okuwçydan ybarat bolup, olaryň ählisiniň baýrakly orunlara mynasyp bolmaklary ýurdumyzda ylym-bilim ulgamynyň has-da kämilleşýändiginiň aýdyň subutnamasy bolup durýar.
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.
Teswirler