2021-nji ýylymyzyň mart aýynyň 17-18-i aralygynda Türkmenistanyň Senagatçylar we telekeçiler birleşmesiniň döredilen gününe 13 ýyly doldy. Şol mynasybetli paýtagtymyzyň Söwda-senagat edarasynda Türkmenistanyň Senagatçylar we telekeçiler birleşmesiniň döredilmeginiň 13 ýyllygy mynasybetli ýokary derejede sergi we maslahat geçirildi. Bu sergä ýurdumyzda öndürilýän oba hojalygy, azyk senagaty, senagat önümçiligi, gurluşyk matirýallary, we elektroenjamlaryň önümçiligi, söwda, syýahat, ylym-bilim, IT-tehnologiýalary, hyzmatlar, ulag we logistika ulgamy, türkmen milli hally önümler, halk senetçiligi we beýlekiler boýunça işleýän hususy kärhanalar we hojalyk jemgyýetleri gatnaşyp, öz gazanan üstünliklerini görkezýärler.Milli ykdysadyýetimiziň hususy pudagyň gazananlaryny hödürleýän bu serginiň açylyşy mynasybetli oňa gatnaşyjylary Türkmenistanyň Prezidenti Gurbanguly Berdimuhamedow gutlady.
Serginiň barşynda oňa gatnaşyjylar esaslandyrylandan bäri Türkmenistanyň Senagatçylar we telekeçiler birleşmesiniň işinde gazanan üstünlikleri bilen tanyşmaga mümkinçilik aldyrlar. Myhmanlara hususy pudagyň dürli kärhanalary tarapyndan neşir edilen we audiowizual materiallary bilen birlikde köp maglumatlar berildi. Oňa gatnaşyjylar şeýle hem dokma, mebel we deri önümçiligi ulgamynda işjeň zähmet çekýän kärhanalaryň önümleri bilen tanyşdylar.
Olaryň hatarynda ,,Batly Gadam” hususy kärhananyň direktorynyň gürrüň berşine görä ol türkmen bazarynda özleriniň alyp barýan işleri bilen gyzykly gürrüňler berdi. Elbetde,, Batly Gadam,, häzirki wagtda kärhanada 250-den gowrak hünärmen zähmet çekýärdigini we fabrigiň önümçilik kuwwaty doly işläp başlan ýagdaýynda iş orunlarynyň sanyny 600-e ýetirmek göz öňünde tutulýandygyny aýtdy. Şeýlelikde, jorap we ýüplük öndürmek bilen meşgullanýan kärhananyň çig maly özlerinden önýän bu önümleriň hem içerki hem-de daşarky bazarlarda hyrydarylygy artýandygyny hem belläp geçdi.
Şu günki güne çenli ýüplükleriň onlarça tonnasy Türkiýä, Belarus Respublikasyna, Russiýa we Eýran Yslam Respublikasyna eksport edilendigi. Dürli reňkli joraplaryň müňlerçe jübüti bolsa, Russiýa, Azerbaýjana, Belarusa we Eýrana goýberildigini. Pagtadan öndürilýän ýokary hilli ýüplükler, jorap önümleri ISO toparynyň halkara ekologiki standartlarynyň talaplaryna laýyk gelýändigini aýratyn belläp geçdi.
,,Batly gadam’’ ýurdumyzda dokmaçylyk boýunça täze kärhana bolsa-da ,ugurdaş kärhanalar bilen bäsleşip ,dünýä bazaryna girmäge batly gadam urýar .
Döwletmyrat Gurbandurdyýew
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
1-nji ýyl talyby
Teswirler