Häzirki wagtda dünýädäki çylşyrymly ýagdaýlar sebäpli,Halkara küşt federasyýasynyň, togtadylan Dalaşgäler ýaryşy 19-njy aprelde Ýekaterinburgda dowam etdirer. Bu barada federasiýanyň web sahypasynda habar berilýär.
Ýaryş 2020-nji ýylyň 17-nji martynda Ýekaterinburgda başlanyp, birinji aýlawyň oýunlary – ýedi tapgyr oýnalypdy. Indi ýaryş dowam etdirilip, 2021-nji ýylyň 19-njy aprelinde sekizinji tapgyr başlanar. Küşt boýunça dünýä çempionlygyna dalaşgäriň kim boljagy 28-nji aprelde kesgitlener, zerur bolan ýagdaýynda, taý-breýk geçiriler.
Dalaşgärler ýaryşynda fransuz Maksim Waşýe-Lagraw we russiýaly Ýan Nepomnýaşiý ýedi tapgyrdan soň hersi 4,5 utuk toplap, öňde barýarlar. Olardan soň russiýaly Aleksandr Grişuk, gollandiýaly Aniş Giri, amerikaly Fabiano Karuana, hytaýly Wan Hao (hemmesi – 3,5), russiýaly Kirill Alekseýenko we hytaýly Ding Ližen (ikisi-de – 2,5) gelýär.
Bäsleşigiň ýeňijisi 24-nji noýabrdan 16-njy dekabr aralygynda Dubaýda geçiriljek dünýä çempiony norwegiýaly Magnus Karlsen bilen küşt täji ugrunda oýnamaga hukuk gazanar.
Annagulyýewa Ogultäç
Döwletmämmet Azady adyndaky
Türkmen milli dünyä dilleri inistitutynyň
iňlis dili we edebiýaty fakultetiniň 1-nji ýyl talyby.
Teswirler