Türkmenistanyň Garaşsyzlygynyň 28 ýyllygynyň baýramynyň öňisyrasynda geçiriljek Halk Maslahatyna taýýarlyk işleri alnyp barylýar.
Türkmenistanyň Senagatçylar we telekeçiler partiýasynyň Aşgabat şäheri komiteti hem, Halk Maslahatyny tanyşdyryş duşuşyklary geçirýär.
10-njy sentýabrda TSTB-nyň merkezi binasynda mejlisler otagynda “Halk Maslahaty ýurdumyzyň döwlet we jemgyýetçilik-syýasy gurluşyny kämilleşdirmekde möhüm ädimdir” atly duşuşyk geçirildi.
Ýygnagy partiýanyň Aşgabat şäher komitetiniň başlygy Dädebaý Nazkulyýew alyp bardy.
Aşgabat şäheriniň Köpetdag etrabyndan Halk Maslahatynyň agzasy Ejegül Annagurbanowa, öz çykyşynda Halk Maslahatynyň alyp barýan işleri barada gürrüň berdi. Halk Maslahatynyň agzalary öz saýlanan okrugyndaky raýatlar bilen tanyşyp, olaryň hal ýagdaýlaryny yzarlap durýarlar. Kanunçylyk boýunça maslahatlar, daş töwerekde köpçlikler üçin döredilýän desgalar, kommunal hyzmatlar boýunça raýatlaryň ýüzlenmelerine jogap berilýär. Köp çagaly eneleriň, ýaş maşgalalaryň hal ýagdaýy diňlenip, olara döwletiň berýän gerekli goldawlary bilen tanyşdyrylýar, diýip E. Annagurbanowa öz sözünde belläp geçdi.
Telekeçi Aýsona Eýeberdiýewa öz sözünde “Ata-balalarymyz “maslahatly biçilen don, gysga bolmaz” diýipdirler. Şol sebäplem halkymyzyň, ýurdumyzyň bähbidine degişli meseleleriň çözülýän Halk Maslahatyna, türkmen telekeçileri hem öz mynasyp goşantlaryny goşmalydyr,” diýip belledi.
Telekeçi Ogulhan Rozyýewa hem ýygnaga gatnaşyjylary, Halk Maslahatynyň alyp barýan işlerini bilen raýatlary tanyşdyrmaly diýip nygtady.
Türkmenistanyň Binagärlik-gurluşyk institutynyň kafedra müdiri, Berkararlyk etrabynyň Halk Maslahatynyň başlygynyň orunbasary Sapargeldi Daňatarow, Halk Maslahatynyň agzalygyna saýlanan döwründe alyp baran işleri barada gürrüň berdi. Gurmak, döretmek, bina etmek hemişe baş maksat bolup durmadyny aýratyn aýdyp geçdi.
Duşuşygyň dowamynda partiýa täze kabul edilen agzalaryň agzalyk şahadatnamalary dabaraly ýagdaýda gowşuryldy. Bu gezek “Garadaşly” hojalyk jemgyýetiniň TSTP-nyň hataryna goşulan işgärleri gatnaşdy.
Teswirler