11-nji sentýabrda geçirilen sanly wideoaragatnaşyk arkaly Ministrler Kabinetiniň nobatdaky mejlisinde döwlet durmuşyna degişli möhüm meseleler ara alnyp maslahatlaşyldy. Onuň dowamynda Türkmenistanyň Ministrler Kabinetiniň Başlygynyň orunbasary M.Mämmedowa Türkmenistanyň muzeýlerine wirtual syýahatlary guramak boýunça alnyp barylýan işler barada hasabat berdi.
Häzirki döwürde ýurdumyzyň muzeýlerinde sanly ulgam arkaly wirtual syýahaty ýola goýmak medeniýet ulgamyny ösdürmegiň 2019-2025- nji ýyllar üçin maksatnamasynyň hem-de Türkmenistanda 2019-2025-nji ýyllarda sanly ykdysadyýeti ösdürmegiň konsepsiýasyna laýyklykda işler alnyp barylýar.
Diýarymyzyň muzeý gymmatlyklarynyň bir bütewi elektron binýady, şeýle-de iri muzeýleriň elektron saýtlary döredildi. Internet ulgamynda elektron petekleri satmak hem ýola goýulýar.
Dünýä tejribesini ulanyp, ýurdumyzyň hünärmenleri Döwlet Medeniýet merkeziniň Döwlet muzeýiniň iki sergi zalynda “Wirtual muzeý” taslamasynyň ilkinji wideogörnüşi synagdan geçirildi. Bu taslamany hemişelik Bitaraplygymyzyň 25 ýyllyk baýramçylygynyň öňüsyrasynda goýbermek meýilleşdirilýänligi barada TDH-nyň habaryna salgylanyp TMCars habar berýär.
Laçyn HOJAÝEWA,
TDIM-niň Halkara gatnaşyklary institutynyň talyby
Teswirler