Türkmenistanda taekwondo boýunça kubok ugrundaky ýaryş Olimpiýa şäherçesiniň täze ýeňil atletika sport toplumynda üstünlikli geçirildi. Ýaryşa Aşgabatdan we Mary, Lebap, Daşoguz welaýatlaryndan gelen türgenler gatnaşdy. 2012-2007-nji ýyllar aralygynda doglan ýaşlar we ýetginjekler öz aralarynda güýç synanyşdylar. Jemi 132 türgen ýaryşda çykyş etdi.
Ýaryşyň netijeleri:
Ýaryşda Toýly Amangeldiýewiň şägirtleri ajaýyp çykyş edip, tapawutlandylar. Olar:
- 9 sany 1-nji orun,
- 2 sany 2-nji orun,
- 5 sany 3-nji orun gazanyp, kubogyň eýesi boldular.
Bu ýaryş türgenlere öz başarnyklaryny görkezmek bilen bir hatarda, täze tejribeleri edinmek we geljekki halkara bäsleşiklere taýýarlyk görmek üçin uly mümkinçilik döretdi. Şeýle hem, ýaryş gatnaşyjylaryň sporta bolan söýgüsini artdyryp, olaryň ruhuny belende galdyrdy.
Türkmenistanda sporty ösdürmek ugrunda alnyp barylýan giň möçberli işler ýaş türgenleriň halkara derejesinde üstünlik gazanmaklaryna esas döredýär. Bu hem olaryň sportda has uly sepgitlere ýetmekleri üçin möhüm ähmiýete eýe bolup durýar.
Teswirler