Iňlis halkynyň kalbynda aýratyn orny eýeleýän Uels şa zenany Diana häzirki günlerde hem dilden düşmeýär. Aradan çykanyna 27 ýyl geçendigine garamazdan, jomartlygy we haýyr-sahawat bermegi bilen bütin dünýäde tanalýan Şa zenany henizem ýatdan çykmaýar.
Şa zenany Diana we beýleki şa agzalaryna degişli 150-den gowrak egin-eşik 27-nji iýunda ABŞ-nyň Los-Anjeles şäherinde auksiona çykarylar. Satyljak iň görnükli zatlaryň biri, şa zenany Diananyň 1986-njy ýylda “Phantom of Opera” sazynyň premýerasyna geýen köýnegi bar. Köýnegiň 200 müňden 400 müň dollar aralygynda alyjy tapmagyna garaşylýar.
1997-nji ýylda Diananyň auksionyndan soň iň uly auksion boljakdygyny mälim eden auksion öýüniň işgärleri şol bir wagtda 150-den gowrak egin-eşigiň satuwa hödürlenjekdigini aýtdy.
Mundan öň hiç hili auksiona çykmadyk aýakgap, ýantorba we başgap ýaly zatlar hem taryhy auksionyň bir bölegi bolar.
Ogulnar ALLABERDIÝEWA,
Türkmenistanyň Döwlet energetika
institutynyň talyby.
Teswirler