Döwrebap tehnologiýa dürli pudaklarda ajaýyp öndürijilige ýetmekde esasy serişde bolup hyzmat edýär. Daşoguz şäherindäki «Demirbetonönümleri» kärhanasy hem munuň aýdyň mysaly bolup, ýurduň demirgazyk sebitinde gurluşyk pudagynyň önümlerini öndüriji esasy kärhana hasaplanýar.
Geçen 2023-nji ýylda kärhana 36 million 304 müň manatlyk önüm öndürip, bellenilen meýilnamasyndan ep-esli ýokary görkezijä eýe boldy. Öňki ýyl bilen deňeşdirilende, kärhanada önümçiligiň ösüş depgini 119 göterim täsir edip, ulanylýan tehnologiýalaryň netijeliligini we ýokary zähmet öndürijiligini görkezýär. Häzirki wagtda kärhana bazaryny giňeldýän we bäsdeşlige ukyply 80 görnüşli önüm öndürýär. Kärhanada ýokary hünärli gurluşyk materiallaryny öndürmek üçin hünär derejesini we yhlasly zähmetini sarp edýän 320 adam işleýär.
«Demirbetonönümleri» kärhanasynyň üstünligi önümçiligiň netijeliligini we senagat ösüşini ýokarlandyrmakda innowasiýa we häzirki zaman tehnologiýasynyň ähmiýetini görkezýär. Ýurduň demirgazyk sebitindäki gurluşyk önümlerini öndürýän pudagyň mundan beýläk hem ösmegine, kämilleşmegine garaşylýar.
Laçyn HALLYÝEWA,
Türkmen döwlet binagärlik-gurluşyk
institutynyň talyby.
Teswirler