Türkmenistanyň Prezidentiniň 2018-nji ýylyň 30-njy noýabryndaky 984 belgili karary bilen «Türkmenistanda 2019 – 2025-nji ýyllarda sanly ykdysadyýeti ösdürmegiň Konsepsiýa» laýyklykda «Sanly çözgüt – 2023» atly innowasion taslamalaryň bäsleşigi geçiriler.
Bu bäsleşigiň esasy maksady milli ykdysadyýetde durmuşa geçirmäge giň mümkinçiligi bolan programma üpjünçiligini işläp düzmek we oýlap tapyşlar bilen meşgullanýan ýaşlary ýüze çykarmak, höweslendirmek, şeýle hem ýurdumyzyň sanly ekosistemasynyň ösüşine goşant goşýan täze başlangyçlary ýola goýmakdyr.
Bäsleşigi geçirmegiň tertibi we guramaçylyk komitetiniň işi baradaky dördünji bölümde onuň ýedi ugur, ýagny saglygy goraýyş; ylym we bilim; ulag we logistika; elektron senagaty; oba hojalygy; hyzmatlar we robot ýasama pudagy boýunça geçiriljekdigi aýdylýar. Bu ugurlar boýunça hödürlenen taslamalara baha bermek üçin degişli ministrlikleriň we bölümleriň hünärmenleri gatnaşarlar.
Bäsleşige gatnaşyjylary bellige almak we oýlap tapmalary baradaky teklipler telecom.tm internet saýtynda elektron görnüşinde kabul ediler.
Teswirler