TDIM-nyň Halkara gatnaşyklary institutynda Halkara hukugy we deňeşdirme hukugy öwreniş kafedrasynyň “Ýaş hukukçylar” ylmy gurnagynyň guramagynda BMG-niň döredilmeginiň 75 ýyllygy we Türkmenistanyň Bitaraplygynyň 25 ýyllygy mynasybetli institutyň talyplarynyň arasynda “Türkmenistanyň Bitaraplyk syýasaty” atly fakultetara bäsleşik geçirildi.
Oňa institutyň her hünärinden wekil hökmünde bir 5 adamdan ybarat bolan topar gatnaşdy. Bäsleşik jemi 3 tapgyrda alnyp baryldy.
Bäsleşigiň birinji tapgyrynyň düzgüni boýunça talyplar Birleşen Milletler Guramasy bilen Türkmenistanyň arasyndaky halkara hyzmatdaşlygy, BMG-niň Düzgünnamasy we onuň edaralary, sessiýalary, Türkmenistanyň Bitaraplygynyň hukuk esaslary bilen baglanyşykly mugallymlaryň taýýarlan soraglaryna jogap berdiler.
Ikinji tapgyrda toparlaryň öz taýýarlan soraglary boýunça özara bäsleşdiler. Bu ýerdäki ýumuşlar gatnaşyjylaryň dogry pikirleniş ukyplaryny barlamagy göz öňünde tutdy.
Şeýle-de, bäsleşýänler toparlar bäsleşigiň üçinji tapgyrynda BMG-nyň 17 sany maksatlaryny, Türkmenistanyň Bitaraplygyny hem-de BMG-niň 75 ýyllygyny öz içine alýan prezentasiýa we wideo rolik görnüşindäki çykyşlaryny görkezdiler. Talyplaryň dil bilimlerini ýokarlandyrmak maksady bilen rus we iňlis dillerinde geçirilen bäsleşikde, institutyň mugallymlarynda düzülen emin agzalary döredijilik başarnyklaryna baha berip, bäsleşigiň ýeňijilerini yglan etdiler.
Şahnoza Eminowa,
HGI-niň talyby
Teswirler