Berkarar döwletimiziň täze eýýamynyň Galkynyşy döwründe Gahryman Prezidentimiziň parasatly baştutanlygynda diýarymyzda döwrebap ýokary okuw mekdepleriniň sany ýylsaýyn artyp, olaryň maddy-enjamlaýyn binýady barha berkidilýär. Kämilleşdirilýän millibilim ulgamyna täze hünär okuwlary girizilip, okatmagyň innowasion usullary düýpli ornaşdyrylýar.
2023 – 2024-nji täze okuw ýylynyň ilkinji günleri bilim ulgamynyň işgärleri, talyp ýaşlar üçin ýatdan çykmajak wakalara beslenip geldi. Beýik Britaniýanyň “Times Higher Education” – Bütindünýä reýting guramasy tarapyndan her ýylda geçirilýän World University Ranking Bütindünýä uniwersitetiniň reýtinginiň 2024-nji ýyl üçin görkezijilerini çap edildi. Bu sanawa dünýäniň abraýly ýokary okuwlary bilen bir hatarda ýurdumyzyň 9 sany ýokary okuw merdebiniň “habarçy” derejesi bilen girmegi şanly Garaşsyzlygymyzyň 32 ýyllyk toýuna uly sowgat boldy. Ady agzalan abraýly sanawda biziň bilim alýan ylym ojagymyz bolan Türkmen Döwlet energetika institutynyň hem bolmagy geljekki hünärmenler hökmünde buýsanjymyzy has-da goşalandyrdy.
Arkadagly Gahryman Serdarymyzyň bilim ulgamyny yzygiderli kämilleşdirmek ugrunda alyp barýan işjeň syýasaty uly üstünliklere beslenýär. Biz ýaşlara okamaga, öwrenmäge, dünýä derejesinde bilim almaga giň şertleri döredip berýän Mähriban Arkadagymyza, Arkadagly Serdarymyza tüýs ýürekden çykýan sag bolsunymyzy aýdýarys. Gahryman Arkadagymyzyň, hormatly Prezidentimiziň janlary sag, ömürleri uzak bolsun, tutuýan tutumly işleri elmydama rowaçlyklara beslensin!
Arslan Nuryýew,
Türkmen Döwlet energetika institutynyň 2-nji ýyl talyby.
Teswirler