Samsung, ýitirilen Galaxy enjamlary ýitirilen ýagdaýynda hem tapyp bilýän “SmartThings Find” aýratynlygyny çykardy. Bu aýratynlygy ulanyp, kartada ýa-da giňeldilen görnüşde ýiten Galaxy enjamlaryňyzy tapyp bilersiňiz.
Günorta Koreýanyň tehnologiýa ägirdi “Samsung” awgust aýynda “Galaxy Note 20” çykarylanda “SmartThings” programmasy üçin täze bir aýratynlyk yglan etdi we ulanyjylaryň “SmartThings” programmasy arkaly ýitirilen “Galaxy” enjamlaryny tapyp biljekdigini mälim etdi.
“Samsung” şu gün takmynan iki aý ozal yglan eden aýratynlygyny “Android 8” we ondan ýokary operasiýa ulgamy bolan ähli “Galaxy” enjamlary üçin çykardy. Indi SmartThings-de, oflaýn bolsa-da, nirede goýandygyňyzy ýatdan çykaran “Galaxy” enjamyňyzy tapyp bilersiňiz.
“SmartThings” -iň enjamy açmak aýratynlygy, “Galaxy” enjamyňyzy awtonom görnüşde bolsa-da tapmak üçin “Bluetooth LE” (Pes energiýa) we UWB (Ultra Wideband) tehnologiýalaryny ulanýar. Onda bu tehnologiýalary ulanyp, awtonom enjamy nädip tapyp bolar?
“Galaxy” enjamlary 30 minutlap oflaýn bolsa, ýakyn enjamlara Bluetooth LE signallaryny iberip başlaýar. “SmartThings Find”-yň üsti bilen enjamyňyzy ýitirendigiňizi habar bereniňizde, “Samsung” maglumatlar bazasyna goşulýar, şonuň üçin gözleýän enjamyňyz awtonom ýagdaýynda hem tapylyp bilner.
Internet maglumatlary esasynda taýýarlanlar:
Saparmyrat AKGAÝEW,
Allaberdi ALLANUROW,
S.A.Nyýazow adyndaky Türkmen
oba hojalyk uniwersitetiniň talyplary.
Teswirler