Häzirki wagtda Ak bugdaý etrap merkezi kitaphanasynda we onuň Bereketli zaman, Berkararlyk şahamçalarynda döwrebap kitaphana hyzmatlary amala aşyrylýar. Şu ýylyň geçen üç aýynda agzalan kitaphanalara täze ýazylan okyjylaryň sany 300-e golaýlady. Şeýlelikde, etrap merkezi kitaphanasynyň we onuň ýerlerdäki şahamçalarynyň okyjylarynyň jemi sany 9 müň 800-den geçdi. Okyjylaryň aglabasynyň ýaşlardygy has-da begendirijidir.
Kitaphana işgärleri ýaş okyjylaryň arasynda täsirli maslahatlardyr duşuşyklary, söhbetdeşlikleri, edebiýat agşamlaryny geçirýärler, göçme kitap sergilerini guraýarlar. Bu bolsa, ýaşlary kitaphana çekmekde uly ähmiýete eýe bolup durýar.
Teswirler