2025-nji ýylyň 7-15-nji ýanwary aralygynda Türkmenistanyň Päkistandaky ilçihanasy, Yslamabatdaky Päkistan Milli sungat geňeşiniň galereýasynda “Kalligrafiýa we sungat sergisiniň öçmez aýdyňlygy” atly sergide gatnaşdy. Sergi, ECO guramasyna agza ýurtlardan, şol sanda Türkmenistandan zehinli suratkeşleriň, suratçylaryň we senetçileriň sebitdäki halklaryň ebedi medeni mirasyny wasp edýän kalligrafiýa we çeper eserlerini tanyşdyrdy.
2025-nji ýylyň 13-nji ýanwarynda köp sanly myhmanlaryň gatnaşmagynda bu serginiň ýapylyş dabarasy geçirildi. Dabarada Päkistanyň Milli miras we medeniýet ministrliginiň Federal Sekretary Hassan Nasir Jamy, Yslamabatdaky ECO guramasyna agza ýurtlaryň ilçileri we diplomatlary, ÝUNESKO-nyň wekilleri, Päkistanyň hökümet işgärleri we metbugat wekilleri çykyş etdiler.
Sergide Türkmenistanyň ilçihanasy, türkmen medeniýetiniň gözelligini, baý taryhyny we döwrebaplygyny görkezdi. Türkmenistanyň şahyry Magtymguly Pyragynyň eserleri bu ýerde aýratyn gyzyklanma bildirilip görkezildi. Bu çärelere gatnaşanlar, Magtymguly Pyragynyň edebi mirasy bilen baglanyşykly eserleri aýratyn üns bilen synladylar.
Sergi, Türkmenistanyň medeniýetiniň halkara derejesinde tanadylmagyna we daşary ýurtlardaky tarapdarlar bilen hyzmatdaşlygyň giňelmegine mümkinçilik döretdi.
Çeşme: turkmenistaninfo.gov.tm
Tagandurdy GURBANDURDYÝEW,
Türkmenistanyň Daşary işler ministrliginiň
Halkara gatnaşyklary institutynyň talyby.
Teswirler