Golaýda, ýagny 9-10-njy ýanwarda Türkmenistanyň Döwlet medeniýet merkeziniň Mukamlar köşgünde Hindistan Respublikasynyň Türkmenistandaky Ilçihanasy we Türkmenistanyň Medeniýet ministrligi tarapyndan gurnalan, 18-nji Prawasi Bharatiýa Diwasyň we meşhur aktýor, režissýor, prodýuser Raj Kapuryň doglan gününiň 100 ýyllygy mynasybetli hindi filmlerinden ajaýyp kompozisiýalar we aýdym-sazly dabaraly çäre geçirildi.
Dünýä meşhur «Bolliwood» kinoindustriýanyň «R.K.Films» kompaniýasyny döreden, hindi kinosyny dünýä ýaýan Raj Kapur 1924-nji ýylyň 14-nji dekabrynda Hindistanyň Peşawar şäherinde dünýä inýär. Aslynda hindi kino sungatynyň taryhy 1899-njy ýylda «Bolliwood» kinostudiýasynyň işe girişmeginden başlanýar. Sungata berlen adam öz döwrüniň iň ýaş zehinli we şöhratly artisti bolup ýetişýär. Onuň baş keşpde janlandyran filmleri 41 sanydyr, surata düşüren filmleri bolsa, takmynan 78-e barabardyr.
Döwrüniň iň meşhur filmleriniň biri-de «Sergezdan» (1951ý.) filmi bolup, öz döwründe dürli ýurtlaryň dilinde terjime edilip, oňa takmynan 63,7 million adam tomaşa edipdir. Raj Kapur dürli ýyllarda birnäçe ýerli we halkara baýraklaryň eýesi bolýar. Ussat ömrüniň ahyryna çenli kino sungatynda halypaçylyk edipdir. Sungat ussadynyň yzyny häzirki wagtda onuň meşhur agtyk, çowluklary dowam edýärler.
Begenç DÖWLETOW,
Türkmen oba hojalyk institutynyň talyby.
Teswirler