- Bank sözi aslynda italýanlaryň sözi bolup dünýäniň köp döwletinde şol bir manyny aňladýar.
- Dünýäniň iň gadymy banky hem Italiýada ýerleşýän Monte dei pashi di Siena bankydyr. Ol 1472-nji ýylda Italýanyň Siýena şäherinde döredilip häzirki wagtda hem işini dowam edýär.
- Häzirki wagtda Şweýsariýanyň 400 golaý iri bankynda 52 trln ABŞ dollary saklanýar.
- 1902-nji ýylda W.I.Leniniň adyna 13 Şweýsar franky bilen açylan hasap Şweýsariýanyň bankynda häzir hem bar we ol ýylyň-ýylyna öz gymmatyny ýokarlandyrýar.
- Ginnesiň rekordlar kitabyna giren iň uly bank talaňçylygy 1945-nji ýylda Germaniýanyň Reýhs bankynda bolup geçdi. Şonda umumy gymmaty 5 mlrd ABŞ dollaryna deň bolan altynlar we beýleki gymmat bahaly daşlar ogurlandy.
- Ilkinji bank kartlary 1950-nji ýylda ABŞ-da ulanylyp başlanypdyr.
- Häzirki wagtda dünýäde hereket edýän bankomatlaryň sany 2 mln-dan gowrakdyr. Ilkinji bankomat bolsa Beýik Britaniýada 1967-nji ýylda döredilipdir.
- Orta asyrlarda Ýewropa döwletlerinde göterimli karz bermegi dinde günä hasap edipdirler. Ýewreýlerde bolsa bu ynanja ynanmandyrlar. Şonuň üçin hem şol döwürlerde ilkinji bankyň eýeleri ýa-da bankirler ýewreýler bolupdyr.
- Sanly ulgamyň çalt ösmegi bank ulgamyna-da öz täsirini ýetirdi. Häzirki wagtda dünýäde hereket edýän banklaryň arasynda “Neobanklar” hem döredi. Neobank – bu fiziki manyda hiç ýerde göze görünmeýän bank bolup ol müşderilere diňe internet arkaly bank hyzmatlaryny amala aşyrýar.
- Dünýäde banklaryň häzirki wagtdaky gorag ulgamy has güýçli bolup iň uly bank gapysynyň agramy 42 tonna diýlip hasaba alnandyr.
- Dünýäde adamlaryň bank hasaplarynda goýan pullarynyň diňe 2-3 % ulanylmaýar.
Mekan ÝAGMYROW,
S.A.Nyýazow adyndaky
Türkmen oba hojalyk uniwersitetiniň
Türkmenabat agrosenagat orta hünär
okuw mekdebiniň talyby.
Teswirler