Ýaňy ýakynda Hindistan Respublikasynyň Nýu Deli şäherinde online görnüşinde geçirilen iňlis dili boýunça olimpiadada Türkmenistanyň adyndan çykyş eden Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň okuwçylary 12 sany altyn medala mynasyp boldylar. Ýeri gelende bellesek, bu olimpiada mekdep-internatynyň adyndan 12 okuwçy gatnaşypdy.
Has takygy, şol mekdep-internatynyň 11-nji synp okuwçylary Ogulgerek Agamyradowa, Abraý Orazberdiýew, Näzik Allakulyýewa, Jahan Ýaýlymowa, Serdar Maşaripow şeýle hem 10-njy synp okuwçylary Jennet Abdullaýewa, Aly Didarow, Tazegül Kakalyýewa, Resul Dowwaýew, Abdyrahym Akynyýazow, Döwran Annamämmedow we Serdar Bäşimow dagylar 1-nji orny, ýagny altyn medaly eýelemegi başardylar.
Iňlis dilçi okuwçylardan ybarat topara mekdep-internatynyň mugallymy Şemşat Musaýewa ýolbaşçylyk edýär.
Mundan başga-da, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň okuwçylary dürli ugurlar boýunça halkara derejeli olimpiadalara yzygiderli gatnaşyp gelýärler.
Kadyrmyrat Öwezgylyjow,
Türkmenistanyň Daşary Işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby
Teswirler
Indiki olimpiýadalarda hem üstünlik hemraňyz bolsun!
Berekella, ýene uly üstünlikler arzuw edyan!