2025-nji ýylyň 21-nji ýanwarynda “Himiýa we himiýa tehnologiýasy” kafedrasynyň gurnamagynda usulyýet maslahaty geçirildi. Maslahat “Türkmenistanda himiýa ylmyny we tehnologiýalaryny toplumlaýyn ösdürmegiň 2021-2025-nji ýyllar üçin Döwlet maksatnamasyny” durmuşa geçirmek boýunça alnyp barylýan işleriň çäklerinde geçirildi.
Maslahatyň çäklerinde himiýa ylmyny sanly ulgamlaryň üsti bilen ösdürmegiň ähmiýeti we mümkinçilikleri ara alnyp maslahatlaşyldy. “Himiýa ylmy we döwrebap çözgütler”, “Himiýa dersinde sanly ulgam” hem-de “Himiýa dersini okatmagyň döwrebap usullary” ýaly temalar boýunça çykyşlar diňlenildi.
Maslahata gatnaşyjylar, döwletimizde ylym we bilim ulgamyna berilýän ýokary ähmiýeti nygtap, döredilýän giň mümkinçilikler üçin Türkmen halkynyň Milli Lideri, Gahryman Arkadagymyza we Arkadagly Gahryman Serdarymyza alkyş sözlerini aýtdylar.
Ýazgül MEREDOWA,
Türkmenistanyň Daşary işler ministrliginiň
Halkara gatnaşyklary institutynyň talyby.
Teswirler