10-njy ýanwarda Magtymguly adyndaky Türkmen döwlet uniwersitetiniň «Medeni miras: geçmişden geljege» ÝUNESKO kafedrasynda meşhur geologiýa alymy, geologo-mineralogik ylymlarynyň kandidaty Anatoliý Grigorýewiç Buşmakin bilen duşuşyk geçirildi. Çärä kafedranyň professor-mugallymlary we talyp ýaşlar gatnaşdylar.
Alym Anatoliý Buşmakin ýokary okuw mekdebinde 20 ýyldan gowrak wagt bäri ylmy we pedagogik işlerini alyp barýar. Onuň geologiýa ylmyndaky täsirli işleri, esasan hem «Türkmengeologiýa» döwlet korporasiýasynyň çägindäki geologiýa gözleglerine goşan uly paýy bellenip geçildi.
Duşuşygyň dowamynda alym kafedranyň ylmy işlerine, ýaş mugallymlaryň we talyplaryň gözleglerine ýokary baha berdi hem-de bu kafedranyň agzalygyna kabul edildi. Bu waka ylmy hyzmatdaşlygy ösdürmekde täze ädim boldy.
Çeşmesi: Türkmenistanyň Bilim Ministrligi.
Teswirler