Türkmenbaşy şäheriniň orta mekdepleriniň 9-njy we 10-njy synp okuwçylarynyň arasynda beýik türkmen şahyry Magtymguly Pyragynyň doglan gününiň 300 ýyllygyna bagyşlanyp, “Sagdyn nesil – sagdyn jemgyýet” atly kiçi futbol bäsleşigi geçirildi.
Bäsleşige şäheriň dürli künjeklerinden 15 orta mekdep gatnaşdy. Çäre sporta höweslendirmek, sagdyn durmuş ýörelgelerini wagyz etmek we ýaşlary agzybirlige çekmek maksady bilen guraldy.
Final duşuşygy Türkmenbaşy şäheriniň 8-nji we 12-nji mekdepleriniň toparlarynyň arasynda geçirildi. Şowhunly bäsleşikde 8-nji mekdebiň okuwçylary ýeňiş gazanyp, çempion bolmagy başardylar.
Ýeňiji topar ýörite kubok we hormat hatlary bilen sylaglanyldy. Şeýle-de, oýunda tapawutlanan oýunçylar aýratyn baýraklar bilen sylaglandy.
Bu sport çäresi Magtymguly Pyragynyň doglan gününiň 300 ýyllygyna bagyşlanan çäreleriň biri hökmünde ýaşlaryň hemmetaraplaýyn ösüşine we sagdyn jemgyýetiň kemala gelmegine ýene-de bir goşant boldy.
Şeýle-de okaň:
Türkmenbaşy şäherinde Magtymguly Pyragynyň 300-ýyllygyna bagyşlanan Kiçi futbol bäsleşigi geçirildi
Teswirler