Birleşen Arap Emirlikleriniň Halifa bin Zaýed Al Nahayan gaznasyndan gelen wekiller ýakynda Türkmenistanyň Döwlet medeni merkeziniň Döwlet muzeýinde saparda boldular. Bu sapar delegasiýa üçin ýurduň baý medeni mirasy bilen ýakyndan tanyşmak üçin aýratyn mümkinçilik boldy.
Delegasiýa köpasyrlyk taryhy we Türkmenistanyň özboluşly medeni mirasyny şöhlelendirýän dürli eksponatlar bilen tanyşdyryldy. Eksponatlaryň arasynda gadymy Nusaý we Merw ýadygärlikler toplumyndan tapylan arheologik ýadygärlikler, türkmeniň milli halylary, seýrek duş gelýän milli egin-eşikleriň hem-de gymmat bahaly metallardan ýasalan amaly-haşam önümleriniň kolleksiýalary görkezildi. Wekiller aýratyn-da, ýokary ussatlyk bilen dokalan we özboluşly nagyşlary bilen tanalýan türkmen halylaryna haýran galdylar.
Muzeýiň işgärleri arheologik tapyndylaryň täsin taryhlaryny we türkmen eksponatlaryna siňen milli gymmatlyklary düşündirip, delegasiýanyň saparyny has-da täsirini ýetirdiler. Bu sapar BAE delegasiýasynyň Türkmenistanyň taryhy we medeni baýlyklary bilen has içgin tanyşmagyna mümkinçilik döretdi.
Türkmenistanyň Habarlar Portaly tarapyndan habar berildi: https://turkmenistaninfo.gov.tm/news/8172
Suraý MUHAMMEDOWA,
Aşgabat şäheriniň 76-nji ýöriteleşdirilen
orta mekdebiniň taryhy mugallymy
Teswirler