Hytaýda internetde lukmançylyk, maliýe, hukuk we bilim ýaly ugurlar boýunça maslahat berýän hasaplara gözegçilik güýçlendirilýär.
Resmi düzgünlere görä, şeýle mazmuny paýlaşýan hasaplar özleriniň degişli hünär derejesini ýa-da iş tejribesini tassyklamaly bolýar. Platformalar hem bu maglumatlary barlamaga borçly.
2025-nji ýylda aýratynlykda lukmançylyk bilen bagly mazmun üçin talaplar has-da anyklaşdyryldy. Indi lukmançylyk barada professional maglumat berýän hasaplaryň lukmanlar ýa-da degişli hünär işgärleri bolmagy we muny resminamalar bilen subut etmegi gerek. Tassyklanmadyk hasaplara beýle maglumatlary paýlaşmaga rugsat berilmeýär.
Bu çäreleriň maksady internetde ýalňyş ýa-da hünärsiz maslahatlaryň ýaýramagynyň öňüni almak we ulanyjylara has ygtybarly maglumat bermek.
Şol bir wagtyň özünde, «Hytaýda şol ugurda hünärmen däl bolsaň, sosial torlarda maslahat bermek gadagan edilýär» diýen düşünje dogry däl. Düzgünler ähli adamlara degişli umumy gadagançylyk däl, diňe hünär maslahatlaryny berýän hasaplaryň öz ugrundaky bilimini tassyklamagyny talap edýär.
Älemşa Rejepow,
Türkmenistanyň Şekillendiriş sungaty muzeýiniň,
Usulyýet işleri bölüminiň arhiwçisi
Teswirler