Sanly tehnologiýalaryň çalt depginlerde ösmegi bilen ýaşlaryň dürli derejedäki uzak aralykdan aň-paýhas ýaryşlaryna gatnaşmaga islegi artýar. Şu ýylyň dowamynda hem dünýäniň esasy bilim merkezleri halkara onlaýn-ýaryşlarynyň birnäçesini guradylar. Şol bäsleşiklerde gatnaşan türkmen ýaşlary hem üstünlik gazanyp gelýärler.
Aprel aýynda ýurdumyzyň mekdep okuwçylary Indoneziýada geçirilen matematika boýunça I-EMC 2022 wirtual olimpiada gatnaşdylar.Düzgün boýunça bäsleşik ýaş kategoriýasy boýunça geçirildi. Şolaryň arasynda Daşoguz şäheriniň daşary ýurt dillerine ýöriteleşdirilen 1-nji orta mekdebiň okuwçylary Gülnazik Amanowa we Emir Han Ahmedow “Salamander” kategoriýasy boýunça altyn medala mynasyp boldular. “Chameleon” kategoriýasy boýunça Daşoguz şäheriniň daşary ýurt dilleri boýunça ýöriteleşdirilen 24-nji orta mekdebiň okuwçysy Mätniýazow Soltanbaý altyn medal gazandy we Aşgabat halkara mekdebiniň okuwçysy Atarw Tripatiy we Daşoguz şäheriniň daşary ýurt dilleri boýunça ýöriteleşdirilen 24-nji orta mekdebiň okuwçylary Aşyrow Nurmyrat, Hanbaýew Aýdogdy kümüş medallara eýe boldular. Iguana kategoriýasy boýunça Daşoguz şäheriniň iňlis, himiýa we biologiýa derslerini öwredýän 26-njy orta mekdebiň okuwçysy Nyýazmedowa Bahar bürünç medalyna eýe boldy, şeýle hem Aşgabat şäherindäki 66-njy orta mekdebiň okuwçylary Eziz Bežew we Muhammetnyýaz Kasymow höweslendiriji baýraklara mynasyp boldular. “Dragon” kategoriýasy boýunça, Daşoguz şäheriniň ýaş fizikler we matematikler üçin ýöriteleşdirilen 21-nji orta mekdebiň okuwçysy Mergen Gaýypow we Daşoguz şäheriniň iňlis, himiýa we biologiýa derslerini öwredýän 26-njy orta mekdebiň okuwçysy Şamedow Röwşen bürünç medallary gazandylar. Gatnaşanlar bäsleşigiň çylşyrymly, ýöne gyzykly bolandygy barada belläp geçdiler.
No | Name | School | Medal | Notes | Category |
1 | Mergen Gaýypow | Specialized school for young phisicists and mathematicians #21 | Bronze | Dragon | |
2 | Shamedov Rovshen | School N 26 specialized in English, Chemistry and Biology of Dashoguz city | Bronze | Dragon | |
3 | Bahar Niyazmetova | School N26 specialized in English, Biology and Chemistry of Dashoguz city | Bronze | Iguana | |
4 | Eziz Bežev | Secondary School No66 of Ashgabat City | Honorable Mention | Iguana | |
5 | Kasymov Muhammetnyyaz | Secondary School No66 of Ashgabat City | Honorable Mention | Iguana | |
6 | Matniýazow Sultanbaý Bahadirowiç | Specialized school for learning foreign languages #24 | Gold | Chameleon | |
7 | Aşyrow Nurmyrat Güýçmyradowiç | Specialized school for learning foreign languages #24 | Silver | Chameleon | |
8 | Atharv Tripathi | Ashgabat International School | Silver | Chameleon | |
9 | Hanbaýew Aýdogdy Sarybaýewiç | Specialized school for learning foreign languages #24 | Silver | Chameleon | |
10 | Ahmedow Emir Han Ahmedowic | Specialized school for learning foreign languages #1 | Gold | 5th Absolute Winner | Salamander |
11 | Amanowa Gülnäzik Akmyradowna | Specialized school for learning foreign languages #24 | Gold | Salamander |
Mekdep okuwçylarynyň arasynda geçirilýän “Komodo” halkara matematika festiwaly Indoneziýanyň “Eduversal” bilim guramasy tarapyndan gurnalýar. Bäsleşik onlaýn görnüşinde ýokary derejede, webkameralaryň gözegçiliginde geçirilýär.
Öňki ýyllarda geçirilen I-EMC’2020 we I-EMC’2021 olimpiadalary şu ýyl “Komodo” matematika festiwaly ady bilen geçirildi. Bu matematika bäsleşigi 4 ýaş kategoriýasynda geçirildi: “Salamander” – 10 ýaşa çenli, “Hameleon” – 12 ýaşa çenli, “Iguana” – 15 ýaşa çenli we “Dragon” – 18 ýaşa çenli. Bu ýylky olimpiada 65 döwletden 2 müňden gowrak mekdep okuwçysy gatnaşdy.
Ýulduz BABAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň 2-nji ýyl talyby.
Teswirler