2024-nji ýylda Aşgabatda Gazagystanyň Medeniýet günleri, Astanada bolsa Türkmenistanyň Medeniýet günleri geçiriler. Bu baradaky degişli mesele iki ýurduň DIM-leriniň ýolbaşçylarynyň arasynda Astanada geçirilen duşuşykda ara alnyp maslahatlaşyldy.
Iki ýurduň daşary syýasat edaralarynyň ýolbaşçylary medeni-ynsanperwer gatnaşyklaryň möhüm gün tertibine ünsi çekdiler.
Bu çäreleriň çäginde döredijilik toparlarynyň çykyşlary, iki ýurduň beýik söz ussatlary Magtymguly Pyragynyň hem-de Abaý Kunanbaýewiň ýadygärlikleriniň açylyş dabarasy meýilleşdirilýär.
Mundan başga-da, duşuşykda beýik akyldar Magtymguly Pyragynyň doglan gününiň 300 ýyllygy mynasybetli bilelikde geçiriljek çäreler barada hem pikir alşyldy.
Döwletmyrat GARRYÝEW,
Türkmenistanyň Döwlet energetika
institutynyň talyby.
Teswirler