Türkmenistanyň şanly üstünlikleri
2024-nji ýylyň dowamynda Türkmenistan dürli ugurlarda gazanan ajaýyp üstünlikleri bilen halkara jemgyýetçiliginiň üns merkezinde boldy. Ýurduň ykdysady ösüşi, oba hojalygyndaky ýokary öndürijilik, sanly tehnologiýalaryň giňden ornaşdyrylmagy hem-de halkara hyzmatdaşlygynyň giňelmegi, milli ösüş strategiýasynyň netijelidigini görkezýär. Bilim we sport ulgamlaryndaky üstünlikler bolsa ýaşlaryň geljege bolan ynamyny pugtalandyrdy.
Türkmenistanyň ösüşi, sebitiň hem-de dünýäniň durnukly ösüşine uly goşant goşýan döwlet hökmünde ýurdumyzy has-da öňe çykarýar. 2025-nji ýylda bu belent maksatlary has-da rowaçlandyrmak üçin täze mümkinçilikleriň açyljagyna ynanýarys.
Ýagşygeldi Kakaýew adyndaky Halkara nebit we gaz uniwersiteti 2024-nji ýylda bilim, ylym we tehnologiýa ugurlarynda birnäçe möhüm çäreleri geçirip, uly üstünliklere eýe boldy. Bu çäreler uniwersitetiň halkara abraýyny has-da ýokarlandyrdy.
Halkara olimpiadalar we maslahatlar
2024-nji ýylyň aprel aýynda uniwersitetimizde Türkmenistanyň we daşary ýurtlaryň ýokary okuw mekdepleriniň talyplarynyň arasynda II Açyk halkara informatika olimpiadasy (OIOIUS-2024) geçirildi. Bu olimpiada ýaşlaryň informatika ugrundaky başarnyklaryny ösdürmäge we halkara tejribe alyşmagyna mümkinçilik döretdi.
Şeýle hem, uniwersitetimiziň wekilleri «TESC 2024» halkara ylmy-amaly maslahata gatnaşyp, dünýä energetikasyna we ylmy gözleglere goşant goşdular.
Robot tehnologiýasy bäsleşikleri
Ýaşlaryň arasynda robot tehnologiýasy boýunça bäsleşikler geçirilip, talyplar öz döredijilikli taslamalaryny görkezmekde işjeňlik görkezdiler. Bu çäreler ýaşlaryň innowasion pikirlerini durmuşa geçirmäge itergi berdi.
2024-nji ýylda geçirilen bu çäreler uniwersitetimiziň halkara derejesindäki abraýyny has-da ýokarlandyrdy. 2025-nji ýyla buýsanç we şatlyk bilen gadam basyp, geljekde has uly üstünliklere ýetmek üçin tagallalarymyzy dowam etdireris.
Begmyrat AGAÝUSUPOW,
Ýagşygeldi Kakaýew adyndaky Halkara nebit
we gaz uniwersitetiniň talyby
Teswirler