Aşgabatda 2024-nji ýylyň 14-16-njy noýabry aralygynda telekommunikasiýa pudagyndaky innowasiýalara bagyşlanan «Türkmentel – 2024» atly halkara sergi we ylmy maslahat geçirilýär. Bu forum Türkmenistanyň Ulag we Kommunikasiýalar agentlikleriniň, şeýle hem “Dialogue Events Ltd” britan kompaniýasynyň goldamagynda guralýar.
Çäräniň geçiriljek ýeri Türkmenistanyň Söwda-senagat edarasy bolup, dünýäniň 27 döwletinden «Huawei», «Nokia», «SpaceX», «Amazon» ýaly öňdebaryjy kompaniýalaryň wekilleriniň hem gatnaşmagyna garaşylýar. Forumda sanly üýtgeşme, kiberhowpsuzlyk, hemra tehnologiýalary, akylly şäherler we durnukly ösüş ýaly mowzuklar boýunça möhüm pikir alyşmalar bolar.
Türkmen telekommunikasiýa ulgamynyň ösüşinde möhüm tapgyr hasaplanýan bu forumyň çäklerinde “Arkadag” şäheriniň mysalynda innowasion çözgütleriň ornaşdyrylmagyna aýratyn üns beriler. Maslahat Türkmenistana Merkezi Aziýada sanly tehnologiýalaryň lideri hökmünde ornuny pugtalandyrmaga ýardam berer.
Çeşme: Türkmenistan Habarlar Portaly
Didar AGAMYRADOW,
Türkmenistanyň Telekommunikasiýalar
we informatika institutynyň Maglumat
tehnologiýalary we programmirleme
fakultetiniň talyby
Teswirler