Berkarar döwletiň täze eýýamynyň Galkynyşy döwründe ata Watanymyzda halkymyzyň abadan, asuda we eşretli durmuşda ýaşamagy ugrunda uly tagallalar edilýär. Ýurdumyzda ykdysadyýetde, medeniýetde, syýasatda we durmuş ugurlarynda ägirt uly ösüşler gazanylýar. Hemişelik Bitaraplyk ýörelgelerinden ugur alyp, Türkmenistan Watanymyz BMG-sy bilen ýakyndan işjeň hyzmatdaşlygy dowam etdirýär. ÝUNESKO-nyň halkara konwensiýalarynyň ençemesine gatnaşýar.
Saud Arabystany patyşalygynyň Er-Riad şäherinde geçirilen ÝUNESKO-nyň bütindünýä mirasy komitetiniň 45-nji giňişleýin mejlisiniň dowamynda Türkmenistanyň Özbegistan we Gazagystan respublikalary bilen bilelikde hödürlän “Aram guşaklykdaky Turan çölleri” köptaraplaýyn hödürnamalarynyň, şol bir wagtyň özünde ýurdumyzyň “Bereketli Garagum”, “Gaplaňgyr” döwlet tebigy goraghanalarynyň, “Repetek” döwlet biosfera goraghanasynyň we “Ýerajy”döwlet tebigy çäkli goraghanasyň sähra ekoulgamlaryny ÝUNESKO-nyň Bütindünýä mirasynyň sanawyna girizmek hakyndaky çözgüdiň biragyzdan kabul edilmegi ýurdumyzyň halkara abraýyny has-da ýokarlandyrdy. Bu hem bolsa Gahryman Arkadagymyzyň hem-de Arkadagly Gahryman Serdarymyzyň halkymyzyň maddy we medeni mirasyny gorap saklamak, ony baýlaşdyrmak, giňden dünýä ýaýmak boýunça alyp barýan döwlet syýasatynyň miwesidir.
Ýurdumyzyň ady agzalýan ajaýyp tebigy meýdanlarynyň ÝUNESKO-nň Bütindünýä mirasynyň sanawyna girizilmegi ýöne ýerden däldir. Watanymyzyň gözel künjekleriniň ösümlik we haýwanat dünýäsi, gaýtalanmajak gözellige eýe bolan sähra ekoulgamlary dünýä derejesinde öwrenilmäge mynasypdyr. Dünýäniň birnäçe döwletlerinden sähra öwreniji bilermenleriniň gelip, ýurdumyzda Garagum sährasynyň biodürliligini we beýleki tebigy düzüm böleklerini giňişleýin öwrenýärler, birnäçe ugurlar boýunça ylmy işleri alyp barýarlar. Gyşy has sowuk we tomsy has yssy bolýan Aram guşaklygynyň Çöller zolagynda ýerleşýän Garagum sährasynda ýowuz şertlerde ýaşamaga ukyply bolan janly-jandarlaryň özboluşlylygy dünýäniň sähra öwreniji alymlarynyň ünsüni özüne çekýär.
Ýurdumyzyň aýratyn goralýan tebigy meýdanlarynyň gözelliklerini dünýä ýaýmakdauly tagallalar edýän Gahryman Arkadagymyzyň hem-de Arkadagly Gahryman Serdarymyzyňjanlary sag, ömürleri uzak, belent başlary aman bolsun!
Merjen DURDYÝEWA
Myrat Garryýew adyndaky
Türkmenistanyň Döwlet lukmançylyk
uniwersitetiniň Jemgyýeti öwreniş
ylymlary kafedrasynyň mugallymy
Teswirler