Türkmenistanyň «Demirýollary» açyk görnüşli paýdarlar jemgyýeti Hytaýyň «CRRC Ziyang Co., Ltd.» kompaniýasyndan 15 sany ýük teplowozyny satyn aldy. Satyn alnan teplowozlaryň 2-si şu gün Aşgabadyň demir ýol menziline gelip gowuşdy. Teplowozlaryň galanlary bolsa geljek ýylyň ýanwar aýynyň ahyryna çenli ýurdumyza getiriler.
Belläp geçsek, ýurdumyzyň Hytaýdan satyn alan ýük teplowozlary ozalkylardan düýpli tapawutlanýar. Ýagny ýük lokomotiwleri iki bölekden düzülip, soňra birleşdirilen teplowozlardyr. Bu görnüşli teplowozlar demir ýol düzümlerini iki ugur boýunça hem bökdençsiz alyp gitmäge mümkinçilik berýär.
Şu ýylyň noýabr aýynda hem Russiýanyň Brýansk maşyngurluşyk zawodynda öndürilen täze 5 sany ýük teplowozynyň getirilmegine garaşylýar.
Teswirler