Berkarar döwletimiziň bagtyýarlyk döwründe bedew batly Türkmenistan döwletimiz gün-günden uly ösüşlere özgerişlere beslenýär. Muňa aýdyň mysal hökmünde 11-nji dekabrda “Parahatçylyk we ynanyşmak syýasaty – halkara howpsuzlygynyň, durnuklylygyň we ösüşiň binýady” atly halkara maslahaty geçirildi. Maslahata Türkmenistanyň Prezidenti, Ministler kabinetiniň orunbasarlary, ministrlikleriň we pudaklaryň ýolbaşçylary, daşary ýurt döwletleriniň Türkmenistandaky wekilleri, deputatlar, we ýokary okuw jaýlarynyň talyp ýaşlary gatnaşdylar. Milli Liderimiz öz çykyşynda şu ýylyň “Türkmenistan- parahatçylygyň we ynanyşmagyň Watany” diýlip atlandyrylmagy we BMG tarapyndan ykrar edilmegi, şeýle hem şygara esaslanyp edilen işler babatynda belläp geçdi we türkmen halkyna mahsus bolan sebitde parahatçylygy we howpsuzlygy üpjin etmekde türkmen Bitaraplygynyň aýratynlygyny belläp geçdi. Häzirki ýüze çykan meseleler hem-de gapma-garşylyklaryň parahatçylykly ýagny syýasy-diplomatik ýollar arkaly çözülmeginiň has dogry çözgüt boljakdygyny.
Şeýle hem maslahatda Ykdysady Hyzmatdaşlyk Guramasynyň Baş sekretary H.Noziri 2021-nji ýylyň 28-nji noýabrynda Aşgabatda YHG-nyň 15-nji Sammitini şowly geçirilmegi bilen gutlap, nobatdaky forumuň häzirki ýagdaýlary kadalaşdyrmakda we durnukly geljegi üpjün etmekde uly ähmiýeti bar diýip belläp geçdi.
Başgada bu halakara maslahatyna Türki medeniýetiň halkara guramasynyň (TÜRKSOÝ) baş sekretary, BMG-nyň Baş sekretarynyň Merkezi Aziýa boýunça ýörite wekili, BMG-nyň Merkezi Aziýa üçin öňüni alyş diplomatiýasy boýunça Sebit merkeziniň ýolbaşçysy N.German, Türki Döwletleriň Guramasynyň Baş sekeretary B.Amreýew, BMG-nyň Türkmenistandaky Hemişelik utgaşdyryjysy D.Şlapaçenko, Ýewropada Howpsuzlyk we Hyzmatdaşlyk Guramasynyň Aşgabatdaky merkeziniň Başlygy J.MakGregor ýaly birnäçe ýokary wezipeli adamlar, bu halkara forum parahatçylygyň we ynanyşmagyň esasyna durnukly ösüşiň we howpsuz durmuşuň aýdyň kepili boljakdygyny aýratyn nygtadylar.
.
Kerim BAÝMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 1-njy ýyl talyby.
Teswirler