Braziliýa – Gollandiýanyň, Belgiýanyň we Germaniýanyň bilelikdäki teklibini ýeňip, 2027-nji ýylda zenanlaryň arasynda geçiriljek dünýä çempionatynyň geçiriljek ýeri diýlip yglan edildi.
Golaýda Bangkokda geçirilen FIFA kongresinde agza birleşikleriň 119-dan 78-i Braziliýany goldady we bu hukugy açyk ses bilen alan ilkinji ýurt boldy.
“Braziliýany gutlaýarys” diýip FIFA-nyň prezidenti Gianni Infantino, zenanlaryň arasynda geçiriljek dünýä çempionatynyň Günorta Amerikanyň bir ýurdy tarapyndan ilkinji gezek geçiriljekdigini aýtdy.
Braziliýa FIFA-nyň stadionlar, ýaşaýyş jaýlary, janköýerler we ulag ýaly ugurlary öz içine alýan tehniki meseleler boýunça baha beriş hasabatynda has ýokary bal gazandy.
Amerikanyň Birleşen Ştatlary we Meksika 2031-nji ýylda ýaryşa gatnaşmak üçin ünsi jemlejekdiklerini aýdyp, aprel aýynda bilelikdäki tekliplerini yzyna aldylar.
Resul HALMYRADOW,
Türkmen döwlet binagärlik-gurluşyk
institutynyň talyby.
Teswirler