Ýaňy ýakynda Mary welaýat kitaphanasynda Mary welaýatynyň Mary etrabynyň çagalar sungat mekdebi bilen Mary Amerikan Burçynyň hemaýatkärlik etmeginde okuwçylaryň arasynda daşary ýurt saz edebiýaty we türkmen saz edebiýaty dersi boýunça zehin bäsleşigi geçirildi. Bu bäsleşik şertlerine görä 3 tapgyrda geçirildi. Ýagny 1-nji tapgyrda okuwçylar test görnüşindaki soraglara dogry jogap ýazdylar. 2-nji tapgyrda ussat kompozitorlaryň suratlary monitoryň ýüzinde görkezildi. 3-nji tapgyrda bolsa şol ussatlaryň ýazan sazlaryny diňlemek bilen bäsleşigimiz jemlendi.
Bäsleşige Mary etrabynyň çagalar sungat mekdebiniň Ýörite fortepiano we skripkaçylar toparynyň 4-nji, 5-nji, 6-njy synp okuwçylary gatnaşdylar. Onda daşary ýurt saz edebiýaty we türkmen saz edebiýaty dersinden düzülen dürli soraglar, sazlar diňlenildi.
Bäsleşigiň hormatly emin agzalary Mary Amerikan Burçynyň hemaýatlärleri Jeren Tirkişowa, Merjen Akmuhammedowa şeýle hem şol mekdebiň saz nazaryýetiniň bölüm müdiri Allabaýewa Şeker ýene-de fortepiano bölüminiň mugallymy Welmyradowa Nargiz dagylar çekeleşikli geçýän ýaryşa mynasyp baha berdiler. Netijede emin agzalaryň adalatly baha bermeginde bäsleşige gatnaşan mekdep okuwçylaryna 1 sany I ýer, 2 sany II ýer we 1 sany III ýer berdiler. Şeýlelikde galan okuwçylarada höweslendiriji bayraklar berildi. Ýagny,
I orun Mollaýewa Gülaýym
II orun Nurgeldiýewa Aýjahan
II orun Hemraýewa Tawus
III orun Annamyradowa Oguljahan
mynasyp boldular.
Bäsleşigin ahyrynda Hormatly Arkadagly Serdarymyzyň geljeki ösüp gelýän ýaş nesiller üçin edýän taýsyz tagallalaryna alkyş sözler aýdyldy. Şeýle mümkinçilikler üçin mähriban Arkadagymyza we Arkadagly Sesrdarymyzyň janynyň sag bolmagyny, ömriniň uzak bolmagyny arzuw edýäris.
Ogulgerek GALANDAROWA,
Mary etrabynyň çagalar sungat
mekdebiniň 2nji derejeli saz nazaryýeti mugallymy.
Teswirler