«Aşgabadym-Waspyň etsem şygrymda» bäsleşigine
Şypaly seň tämiz howaň, her bir derde melhem berýär,
Keşbe giren ajap görküň, şahyrlara ylham berýär,
Arkadagyň gaýratyndan, diňe öňe, öňe barýar,
Güller açan, eziz diýar, saňa şöhrat-şan Aşgabat,
140 ýaşyň mübärek, ak şäherim jan Aşgabat!
Bütin dünýä myhmanlara giň gujagyň açan sensiň,
Syýahata gelenlere mähir baryn saçan sensiň,
Seni seýil eden ynsan, bagtlylykdan joşa gelsin,
Bu gün dünýä haýran saňa dillerimde şan Aşgabat,
140 ýaşyň mübärek, ak şäherim jan Aşgabat!
Ak mermerden bina bolan asman öper binalaryň,
Her günleriň toýa besläp, ýaňlanyp dur senalaryň,
Geljek tarap bagta uzan, ýeňişlidir ak ýollaryň,
Bagtyýarlyk döwrümiziň, eşreti sen şan Aşgabat,
140 ýaşyň mübärek, ak şäherim jan Aşgabat!
Watanymyň ýüregidir, Aziýanyň ak merjeni,
Gurýar seni halkymyzyň gahryman beýik gerçegi,
Günbe–günden arşa galýar, ösüşli aýdyň geljegi,
Arkadagymyň eseri, paýhasy sen şan Aşgabat,
140 ýaşyň mübärek, ak şäherim jan Aşgabat!
Nurgeldi ILGELDIÝEW
Aşgabat şäherindäki syýahatçylyk
orta hünär okuw mekdebiniň talyby
Teswirler