«Aşgabadym-Waspyň etsem şygrymda» bäsleşigine
Ak şäher Aşgabadym,
Dünýä dolup dur şanyň.
Rekordlar kitabynda
Arşa galýar şöhradyň.
***
Älem içre at goýan
Äpet halyň, mukamyň
Tamdyryň hem tamdyraň
Taryp eder zybanym.
***
Suw çüwdürim toplumy
Bezelen heýkel bilen
Geçmişden yşaratdyr
Oguzhan nesli bilen
***
Aşgabadyň asmanyn,
Beýik Tugum bezeýär.
Parahatçylygyň gül ysyn,
Gudratyna deňeýär.
***
Älem “Älemden” zyýada,
Seýle çyk paý-u-pyýada,
“Ylham” bat berer hyýala,
Gujak açyp dost-dogana.
***
Dag başynyň jygasy
Teleradioýaýlymymyz
Telediňin täç edip
Başyn göge diräp dur
***
Taryp edip ýetip bilmen
Ak şäheriň gözelligin
Arkadagym toý toýlaýar
Aşgabadyň 140 ýyllygyn
Gurbanbibi Rahimowa,
Türkmen döwlet ykdysadyýet we
dolandyryş institutynyň 1-nji ýyl talyby
Teswirler
Gaty govy duzulen goshgy Mundan beylak hem okuvlarynda ustunlik
Gowy duzulen goshgy Mundan beylak hem okuvlarynda ustunlik