«Aşgabadym-Waspyň etsem şygrymda» bäsleşigine
Aklyga beslenen tämiz säheri,
Sowulmaz döwrandyr elwan bahary,
Aýdymça mukam sen, şahyr gazaly,
Watanymyň altyn aýy, Aşgabat!
Ykbalymyň bagt paýy, Aşgabat!
Göýä otyr bagt kölünde ak guwlar,
Asmana uzaýar binalar, zawlar,
Goýnuňda ýaýylyp ýatyr gülzarlar,
Watanymyň altyn aýy, Aşgabat!
Ykbalymyň bagt paýy, Aşgabat!
Eşrete beslenen şu gün, ertesi,
Misli Aziýanyň göwher kürtesi,
Üstüne atynan, mermer begresi,
Watanymyň altyn aýy, Aşgabat!
Ykbalymyň bagt paýy, Aşgabat!
Özümi uçmahda, behiştde saýdym,
Adyň dillermizde soňlanmaz aýdym,
Gijeleriň gözel, ertiriň aýdyň,
Watanymyň altyn aýy, Aşgabat!
Ykbalymyň bagt paýy, Aşgabat!
Alnymyzdan dogan bagtyň Güneşi,
Arkadagyň Diýaryma peşgeşi,
Jennetli bossanyň zerden puşeşi,
Watanymyň altyn aýy, Aşgabat!
Ykbalymyň bagt paýy, Aşgabat!
Aýnur ROZYÝEWA,
Hydyr Derýaýew adyndaky
Mugallymçylyk mekdebiniň 3-nji ýyl talyby.
Teswirler