Sambo boýunça 2020-nji ýyldaky dünýä çempionaty Serbiýanyň Nowi-Sad şäherinde geçiriler. Bu çözgüt Halkara Sambo federasiýasy tarapyndan kabul edildi. Halkara ýaryş 5—8-nji noýabr aralygynda dowam geçiriler. Bu barada Halkara Sambo federasiýasynyň habarynda aýdylýar.
Türkmenistanda geçirilmeli bu ýaryş dünýädäki COVID-19 pandemiýasy sebäpli Türkmenistanyň milli sambo federasiýasy bu ýaryşy şu ýyl geçirmekden ýüz öwürmäge mejbur boldy.
«FIAS hemişe halkara giňişliginde sambo ýaryşlarynyň mümkin boldugyndan köp geçirilmegini goldaýar. Ýöne pandemiýa sebäpli biz ýaryş meýilnamamyza düzediş girizmeli bolduk. Men Serbiýanyň Sambo federasiýasyna başlangyjy, FIAS senenamasyndaky iki sany iň uly ýaryşy geçirmek islegi we taýýarlygy üçin minnetdarlyk bildirýärin. Serbiýanyň Sambo federasiýasynyň ýaryşlary halkara derejesinde geçirmekde baý tejribesi bar, şonuň üçin men bu çäräniň üstünlikli geçjekdigine ynanýaryn» – diýip, FIAS-yň prezidenti Wasiliý Şestakow belledi.
Ýaryşlaryň “COVID-19 pandemiýasyndan soň howpsuzlygy we öňüni alyş çärelerini berjaý etmek boýunça FIAS-yň maslahatlaryna” laýyklykda, ýagny türgenleriň şäherde hereketlerine girizilen çäklendirmeleri, şeýle-de meýdançada ähli howpsuzlyk düzgünlerini we sosial araçägi berjaý etmek bilen geçiriljekdigini aýtdy.
Tomaşaçylar FIAS-yň resmi saýtynda ýaryşlary göni ýaýlymda görüp bilerler. Dünýä çempionatynyň final ýaryşlary “Eurosport” teleýaýlymynda we dünýäniň dürli ýurtlarynyň teleýaýlymlarynda görkeziler.
Kuwwat Hemdemow
talyp
Şeýle-de okaň:
Ýyllar sporta beslenýär
Ýaş alymyň ezberligi
Milli ýygyndymyza täze tälimçi
NBA-de finallar dowam edýär…
FIFA sanawynda Türkmenistanyň milli futbol topary
7/24.tm hepdelik elektron goşundynyň täze sany çykdy
Ýene-de Ronaldooo!
Türkmenistanly ýaş küştçi amerikan grossmeýsteri ýeňdi
Messi Barselonany terk eder
Ronaldo we Messi üçin ýer tapylmady
Teswirler