Şweýsariýanyň Graubünden uniwersitetiniň gözlegçiler topary “pi”-niň onluk bahasyny 62,8 trillion basgançaga çenli hasaplamak bilen dünýä rekordyny täzelediler.
“Pi” sany, tegelegiň daşyny diametri bilen bölenimizde alýan gatnaşykdyr. “Pi” sany 3.14-e deňdir.
Dürli meýdanlarda geçirilen hasaplamalarda “pi” sanyň bahasy adatça 15-nji basgançaga çenli ulanylýar. Beýleki tarapdan, gözlegçileriň köpüsi “pi”-niň onluk bahasyny mümkin boldugyça has ýokarky sanlara çenli hasaplamagyň üstünde işlemegi dowam etdirýärler.
Geçen aý Şweýsariýadaky Graubünden uniwersitetiniň gözlegçiler topary “pi”-niň onluk bahasyny 62,8 trillion sana çenli hasaplamak bilen dünýä rekordyny täzeledi. Bu rekorddan öň “pi” sanyň bahasy 50 trillion belgä çenli hasaplanypdy. Gözlegçileriň superkompýuteriň kömegi bilen eden hasaplamalary takmynan 108 gün 9 sagat dowam etdi. Täze hasaplama, öňki hasaplamadan üç esse çalt boldy.
Häzirki wagtda kompýuteriň gysga wagtyň içinde we ýokary takyklyk bilen şeýle köp basgançakly sana çenli ýetmegi tehnologiýanyň ýeten iň soňky çägini görkezýär. Sebäbi 1874-nji ýylda döwrüň iň çalt kompýuterleri bilen “pi”-niň onluk bahasyny diňe 707 belgä çenli hasaplap bolýardy.
Ogulnabat MEREDOWA,
Ýagşygeldi Kakaýew adyndaky
Halkara nebit we gaz uniwersitetiniň
Energetika we inženerçilik desgalary
fakultetiniň talyby.
Teswirler