Dünýäde bahar paslynyň gelmegi bilen tebigat janlanýar, bahar paslynyň buşlukçysy bolsa kalplara şatlyk we mähir paýlaýan 8-nji mart Halkara zenanlar baýramydyr. Zenan sözi diňe bir gözelligiň däl, eýsem güýjüň, sabyr-takatyň we tükenüksiz mähiriň nyşanydyr.
Taryhyň haýsy gatyna seretsek-de, zenan paýhasynyň we durnuklylygynyň yzlaryny görýäris. Maşgalanyň sütüni bolan enelerimiz we uýalarymyz öz mähirleri bilen jemgyýetimiziň ruhy sagdynlygyny saklaýarlar. Ojakda parahatçylygy, kalplarda ynamy döredýän zenan kalby, hamala, bütin dünýäni öz gujagyna sygdyrýan ýalydyr.
Bu baýram mähribanlarymyza bolan çuňňur hormatymyzy we minnetdarlygymyzy aýtmak üçin bir mümkinçilikdir. Zenanlaryň ýylgyryşy dünýäniň iň uly baýlygydyr.
Goý, bahar paslynyň bu ajaýyp baýramy her bir zenanyň kalbynda egsilmez şatlyk we bagt gursun.
Ogulşirin Öwezgeldiýewa,
Türkmenistanyň Telekommunikasiýalar we
informatika institutynyň talyby.
Teswirler