Türkmenistanyň Daşary işler ministrliginde ministriň orunbasary Mähri Bäşimowa bilen Şweýsariýa Konfederasiýasynyň Adatdan daşary we Doly ygtyýarly ilçisi Tomas Şteli arasynda duşuşyk geçirildi.
Gepleşikleriň dowamynda taraplar döwletara gatnaşyklary mundan beýläk-de pugtalandyrmak hem-de geljekki hyzmatdaşlygyň ileri tutulýan ugurlaryny kesgitlediler. Diplomatlar özara hormat goýmak we deňhukukly hyzmatdaşlyk ýörelgelerine ygrarlydyklaryny tassyklap, ikitaraplaýyn gatnaşyklary giňeltmäge taýýardyklaryny beýan etdiler.
Söhbetdeşligiň dowamynda halkara guramalaryň, aýratyn-da Birleşen Milletler Guramasynyň çäklerinde hyzmatdaşlygy utgaşdyrmak meselelerine aýratyn üns berildi. Şeýle-de sebit we ählumumy howpsuzlygy üpjün etmäge gönükdirilen başlangyçlary özara goldamagyň möhümdigi bellenildi.
Taraplar söwda-ykdysady hyzmatdaşlygy ösdürmegiň mümkinçiliklerini ara alyp maslahatlaşyp, täze bilelikdäki taslamalary durmuşa geçirmek üçin amatly şertleriň bardygyny nygtadylar.
Medeni-ynsanperwer ulgamy hem gepleşikleriň möhüm ugurlarynyň biri boldy. Şu ýyl geçirilmegi meýilleşdirilýän, iki ýurduň halklaryny ýakynlaşdyrmaga gönükdirilen çäreleri guramak barada pikir alyşyldy. Duşuşygyň netijesinde türkmen-şweýsar gatnaşyklarynyň yzygiderli ösdürilmeginde şeýle duşuşyklaryň ähmiýeti aýratyn bellenildi.
Selbi HANOWA,
Mary nebitgaz orta hünär
okuw mekdebiniň mugallymy.
Teswirler