Ýyladyş möwsüminiň dowamynda, ýylylyk beriji gaz, elektrik peçleriniň saz, işjeň ýagdaýyny barlap, gaz peçleriniň tüsse çykarýan ulgamyny gurumlardan öz wagtynda arassalap, gaz peçlere barýan gaz geçirijiler polat, demir turbalar arkaly geçirilmeli. Näsaz ýa-da senetçilik usulynda ýasalan ýylylyk beriji gaz-elektrik enjamlarynyň ulanylmagy, şeýle hem şol enjamlaryň iş ýagdaýynda gözegçiliksiz galdyrylmagy talabalaýyk däldir. Gaz-elektrik peçlerini çendenaşa gyzdyrmak, töwereginde geýimleri guratmak talabalaýyk däldir. Gaz-elektrik ýylylyk beriji enjamlary ulanmazdan öň, olaryň aşagyna oda durnukly gatlaklary düşemeli. Jaýyň elektrik ulgamynda özbaşdak gurnama-abatlaýyş işlerini geçirmek we näsaz elektrik birikdirijileri, geçirijileri ulanmak talabalaýyk däldir. Gaz-elektrik plitalarynda nahar ataryp, gözegçiliksiz galdyrmak ýa-da kiçi ýaşly çagalara gözegçilik etmegi tabşyrmak talabalaýyk däldir. Bir wagtyň özünde birnäçe kuwwatly elektrik toguny sarp ediji enjamlary bir birikdirijä birikdirmek talabalaýyk däldir. Ýangyn dörände haýal etmän, öý, iş telefony arkaly 01 ýa-da el telefonyndan 001 belgä habar etmeli.
Türkmenistanyň Içeri işler ministrligi.
Teswirler