Takmynan bir milliard töweregi Android ulanyjysy şahsy maglumatlarynyň howp astynda galmagyna duş gelýär. Smartfon eýeleriniň her üçünjisi Android 13 ýa-da ondan hem köne operasion ulgamlary ulanýar, bu wersiýalar bolsa haker hüjümlerine garşy howpsuzlyk täzelenmelerini almagyny togtadýar.
Köne operasion ulgamlar häzirki zaman döwüp açmak tehnologiýalaryndan doly goragly däl ýagdaýda galýar. Öndürijiler howpsuzlyk (patchlerini) esasan täze wersiýalar üçin taýýarlaýarlar. Eger-de enjamyňyz soňky alty aýyň dowamynda täzelenmedik bolsa, parollar, şahsy maglumatlar we bank goşundylary çynlakaý töwekgelçilik astynda bolup biler.
Ozalky ýyllarda smartfonlar ortaça 2 –3 ýyl tehniki goldaw alýardy. 2022-nji ýylda we ondan öň öndürilen enjamlar häzirki wagtda köpçülikleýin ýagdaýda resmi goldawdan hem-de howpsuzlyk täzelenmelerinden mahrum galýar.
Rejepnur NUROW,
S.A.Nyýazow adyndaky
Türkmen oba hojalyk uniwersitetiniň
Umumy himiýa kafedrasynyň uly mugallymy, t.y.k.
Teswirler