2025-nji ýylyň 2-nji dekabryndan 7-nji dekabr aralygynda Awazada ýurduň küşt senenamasynyň esasy wakalarynyň biri – Türkmenistanyň Gran-pri tapgyry geçiriler. Ýaryşy döwrebap «Seýrana» myhmanhanasy kabul edip, gatnaşyjylara intellektual bäsleşikler üçin oňyn şertleri döreder.
Ýaryşyň Balkan welaýatynda geçirilmegi küşt hereketiniň ösüşinde täze tapgyry alamatlandyryp, sport jemgyýetçiliginiň ýokary ünsüni çekýär. Häzirki wagtda gatnaşmak üçin eýýäm öňdebaryjy ussatlar, höwesli ýetginjekler we reýting utuklary ugrunda göreşmäge taýýar täze zehinler bilen birlikde 126 oýunçy hasaba alyndy.
Awazadaky Gran-pri tapgyry gatnaşyjylara esasy utuklary gazanmak we 2025-nji möwsüminiň umumy hasabynda ýagdaýlaryny gowulandyrmak üçin deňiz kenarynyň rahat we ruhlandyryjy gurşawy bilen ýokary derejeli guralyşlygyň utgaşmasyny hödürleýär.
Ýaş küştçiler we olaryň ata-eneleri üçin Awaza dynç alşy, sport ösüşini birleşdirip, pikirlenişiň we strategiýanyň güýjüniň janly mysalyny görmek üçin ýer bolar.
Gurnaýjylar hyzmatdaşlyga açyk we kompaniýalary bu taryhy wakanyň hemaýatkäri bolmaga çagyrýarlar.
Teswirler