2025-nji ýylyň — Halkara parahatçylyk we ynanyşmak ýyly diýlip yglan edilmegi bilen, Türkmenistanyň jemgyýetçilik durmuşynda möhüm bir waka boldy Hormatly Prezidentimiz işi kesilen raýatlaryň günäsini geçmek baradaky Permana gol çekdi. Bu barada Watan habarlar gepleşiginde habar berildi. Bu waka halkymyzyň gadymdan gelýän rehimdarlyk we bagyşlamak ýaly ýokary ynsanperwer ýörelgeleriniň döwrebap dowamydyr.
Günäsi geçilen raýatlar azatlyga çykyp, durmuşa täzeden başlamak, halal zähmet bilen jemgyýete peýdaly bolmak üçin täze mümkinçilik alýarlar. Döwlet bu raýatlaryň jemgyýete dolanyp, agzybirlik we jebislik esasynda ýaşamagy üçin ähli şertleri döredýär.
Türkmenistanda amala aşyrylýan ynsanperwerlik syýasaty diňe bir içerki jemgyýetçilik gatnaşyklary bilen çäklenmän, halkara derejesinde-de uly ähmiýete eýe bolýar. Halkara parahatçylyk we ynanyşmak ýylynyň çäginde kabul edilen bu karar, ýurdumyzyň dünýä jemgyýetçiligine ýüzlenýän beýik ynsanperwer çagyryşydyr. Parahatçylyk, ynanyşmak we bagyşlamak ýaly gymmatlyklaryň diňe bir şygar hökmünde däl, eýsem, durmuşa geçirilýän syýasat hökmünde ulanylmagy, Türkmenistanyň halkara abraýyny has-da ýokarlandyrýar.
Teswirler